ހދ. އަތޮޅު
ދަރިވަރުން
457 +މުދައްރިސުން
43 +އިދާރީ މުވައްޒަފުން
ސްކޫލް ތަޢާރަފު
ހަނިމާދޫ ސްކޫލަކީ 1969 ވަނަ އަހަރުގެ މެއި 19 ވަނަ ދުވަހު ހަނިމާދޫ ރައްޔިތުންގެ ނަމުގައި މިނިސްޓްރީ އޮފް އެޑިޔުކޭޝަންގައި ރަޖިސްޓްރީ ކުރެވުނު ސްކޫލެކެވެ. 1999 ވަނަ އަހަރު، ގްރޭޑް 6 ގެ ފެންވަރަށް ކިޔަވައިދޭން ފެށުނު މި ސްކޫލުގައި 2000 ވަނައަހަރު ގްރޭޑް 7 ގެ ފެންވަރަށް ކިޔަވައިދޭން ފެށިފައި ވެއެވެ. 2003 ވަނައަހަރު، ސާނަވީ ތަޢުލީމަށް ފަށައިގަތް މިސްކޫލް، ސަރުކާރު ސްކޫލަކަށް ހަމަޖައްސަވައިދެއްވީ 2001 ޖެނުއަރީ 1 ގައެވެ. 2005 ވަނައަހަރުން ފެށިގެން އޯލެވެލް އިމްތިޙާންތަކުގައި ބައިވެރި ވަމުން އަންނަ ހަނިމާދޫ ސްކޫލަކީ އޯލެވެލް އަދި އޭލެވެލްގެ ޕްރައިވެޓް ސެންޓަރެއްވެސް މެއެވެ. ޖޫން 2015 ގައި އޭލެވެލް އަށް ކިޔަވައިދެން ފެށި މި ސްކޫލް، 2015 ވަނަ އަހަރުން ފެށިގެން އަންނަނީ އޭ ލެވެލް އިމްތިޙާނުގައި ބައިވެރިވެ ރަންވަނަ ތަކެއް ޙާޞިލް ކުރަމުންނެވެ. މި ކާމިޔާބީ ތަކާހަމައަށް ވާޞިލް ވެވުނުއިރު ސްކޫލްގެ ޢުމުރަކީ 54 އަހަރެވެ.
އަޅުގަނޑުމެން، ހަނިމާދޫ ސްކޫލް އެދެނީ މިސްކޫލުގެ ދަރިވަރުންނަކީ، އިސްލާމްދީނަށް ތެދުވެރިވާ، މިނިވަން، އިންސާފުވެރި، ހަމަހަމަ އަދި ޢިލްމީގޮތުން ޤާބިލް ހުނަރުވެރި، އުފެއްދުންތެރި ރައްޔިތަކަށް ހެދުމެވެ. އަޅުގަނޑުމެންގެ ދަރިވަރުންގެ ތަޢުލީމު ކުރިއެރުވުމަށާއި ދިރިއުޅުމަށް ތައްޔާރު ކުރުމުގައި މުޖުތަމަޢުގެ އެއްބާރުލުން ލިބޭކަން ކަށަވަރު ކުރަމެވެ.
ހަނިމާދޫ ސްކޫލުގެ މިޝަންއަކީ ދަރިވަރުން ގަޔާވާ އަދި އުނގެނުމާ ރައްޓެހި މާޙައުލެއް ސްކޫލުގައި ކުރިއެރުވުމާއި ރޫޙާނީ، ނަފްސާނީ އަދި ޖިސްމާނީ ގޮތުން ދަރިވަރުން ތަރައްޤީ ކުރުމާއި ދުޅަހެޔޮކަމާއެކު ދަރިވަރުންގެ މެދުގައި ވާދަކުރުމަށް ހިއްވަރުދީ ބާރުއެޅުމެވެ. ދަރިވަރުންނަށް ހުނަރާއި އުފެއްދުންތެރިކަން އުނގަންނައިދީ، އަޚްލާޤީ ރިވެތި ޝަޚްޞިއްޔަތެއް އަށަގެންނެވުމަށް ބާރުއަޅާ، ކޮންމެ ދަރިވަރަކީ މުޖްތަމަޢު ޤަބޫލުކުރާ އަދި މުޖުތަމަޢުގެ އިޙްތިރާމް ލިބޭ ދަރިވަރަކަށް ހެދުމެވެ.