އަޅުގަނޑުމެންގެ ދަރިވަރުންނަކީ އެންމެ ފުރިހަމަ ގޮތުގައި ތަޢުލީމު ހޯދާ، އިސްލާމީ އަގުތަކުގައި ހިފަހައްޓައިގެން ތިބެ، މުޖުތަމަޢު ޤަބޫލުކުރާ ޝަޙުސިއްޔަތެއްގެވެރި، އުފާވެރި، ބިނާކުރަނިވި ފަހި އުނގެނުމުގެ މާހައުލެއްގައި ތަޢުލީމު ހާސިލުކުރުމުގެ ފުރުސަތު ތަނަވަސް ވެފައިވާ، މުސްތަޤްބަލަށް ފައިދާހުރި ނަމޫނާ، އަގުހުރި ރައްޔިތަކަށްވެ، މުޖުތަމައުގައި ޒިންމާދާރު އަދި އިޙްތިރާމް ލިބިގެންވާ ބަޔަކަށް ހެދުމެވެ.

އަޅުގަނޑުމެންގެ އަމާޒަކީ، އިސްލާމް ދީނުގެ ޙުކުމްތަކަށް ބޯލަބާ ދަރިވަރުންގެ ބޭނުންތަކަށް ބަލައިގެން ޤައުމަށް ބޭނުންތެރި ދަރިންތަކެއް ތަރުބިއްޔަތުކުރުމާއިއެކު އަޅުގަނޑުމެންގެ ދަރިވަރުންނަކީ ޢިލްމު އުނގެނުމަށް އެންމެ ފުރިހަމައަށް މަސައްކަތްކުރާ، ދިރިއުޅުމާއި ކުރިމަތިލާއިރު، އުފާވެރި، ޙަރަކާތްތެރި، އަޚްލާގް ރަނގަޅު އަދި މުޖުތަމަޢުގެ ކަންތައްތަކުގައި ބައިވެރިވާ ޒިންމާދާރު ބަޔަކަށްހެދުމެވެ. އަދި އަޅުގަނޑުމެންބޭނުންވަނީ އަޅުގަނޑުމެންގެ ސްކޫލުގެ މާހައުލަކީ ދަރިވަރުންގެ ކިބައިގައިވާ ހުނަރުތައް ދެނެގަންނަ، އަބަދުވެސް ކުރިއެރުމަށް ފުރުސަތުލިބޭ، އަދި ބެލެނިވެރިންނާއި މުޖުތަމަޢުގެ ހިތްވަރާއި ލޯތްބާއި އެކު ތަޢުލީމީ ގޮތުންނާއި އިތުރު ޙަރަކާތްތަކުންވެސް ދަރިވަރުންނަށް ރަނގަޅު ނަތީޖާ ނެރެވޭނެފަދަ މާހައުލަކަށް ހެދުމެވެ.