ސްކޫލް ތަޢާރަފު

ނޮޅިވަރަމް ސްކޫލަކީ ކޮމިޔުނިޓީ ސްކޫލެއްގެ ގޮތުގައި ނޮޅިވަރަމުގެ ދަރިންނަށް ތައުލީމް ދިނުމުގެ މާތް މަގުސަދުގައި ފެށިގެން އައި ސްކޫލެކެވެ. ސްކޫލް ފެށިގެން އައި ވަކި ތާރީހެއް އެނގެން ނެތް ނަމަވެސް ދިގު ތާރީހެއް އޮތް މިސްކޫލު ފެށިގެން އައި އިރު ހުރިހާ އުމުފުރައެއްގެ ދަރިވަރުންނަށް ކިޔަވައި ދީފައިވެއެވެ. 2004 ވަނަ އަހަރުގެ އޮގަސްޓް 4 ން ފެށިގެން މިސްކޫލަކީ ސަރުކާރުގެ ސްކޫލެވެ. މިހާރު މިސްކޫލުގައި ކިޔަވައިދެމުންދަނީ ފައުންޑޭޝަން ސްޓޭޖުން ފެށިގެން ކީސްޓޭޖް 4 އައި ހަމައަށެވެ. ނޮޅިވަރަމް ސްކޫލް ރަސްމީ ގޮތުން މިނިސްޓްރީ އޮފް އެޑިޔުކޭޝަންގައި ރަޖިސްޓްރީ ކުރެވިފައިވަނީ 1969 މެއި 19 ގައެވެ. ނޮޅިވަރަމް ސްކޫލް ކިޔެވުން 1992 ގައި އިނގިރޭސި މީޑިއަމަށް ބަދަލުކޮށް 2003 ގައި ސާނަވީ ތަޢުލީމު ތަޢާރަފު ކުރެވިފައިވެއެވެ. އަދި 2013 ން 2015 އަށް މިސްކޫލުގައި އޭ ލެވެލް އާ ހަމައަށް ކިޔަވައިދެވުނެވެ. މި ސްކޫލުގެ އަމާޒަކީ މިސްކޫލުގެ ގޮރޭޑް 10 ނިންމައި ސްކޫލުން ނިކުންނަ ކޮންމެ ދަރިވަރަކީ އޭލެވެލްއަށް ނުވަތަ ސީދާ ޔުނިވާރސިޓީގެ ކޯސްތަކަށް ވަދެވޭ، މުޖުތަމައަށާއި ގައުމަށް ފައިދާ ހުރި ފަރުދެއް ބިނާކުރުމެވެ.