ސްކޫލް ތަޢާރަފު

މިލަންދޫ ސްކޫލަކީ މިނިސްޓްރީ އޮފް އެޑިޔުކޭޝަންގެ ދަށުން ހިނގަމުންދާ ސަރުކާރުގެ ސްކޫލެކެވެ. މި ސްކޫލްގެ މައިގަނޑު މަސައްކަތަކީ، ދިވެހި ސަރުކާރުގެ ތައުލީމީ ސިޔާސަތާ އެއްގޮތަށް، ގައުމީ މަންހަޖު ތަންފީޒުކޮށް ދަރިވަރުންނަށް ތައުލީމާއި ތަރުބިއްޔަތު ދިނުމާއި، ޤައުމީ މަންޙަޖުގެ މަޣްޞަދުތައް ޙާޞިލްކުރުމަށްޓަކައި ކިޔަވައިދިނުމުގެ އިތުރަށް ހިންގަން ބޭނުންވާ ޙަރަކާތްތައް ހިންގުމާއި އަދި ވީ އެންމެ ފުޅާދާއިރާއެއްގައި ބެލެނިވެރިންނާއި ރައްޔިތުންނާ ގުޅިގެން މަސައްކަތް ކުރުމެވެ.މިލަންދޫ ސްކޫލަކީ ށ. މާކަނޑޫދޫ މީހުން ށ. އަތޮޅު މިލަންދުއަށް ޖުރަކުރުމާއި ގުޅިގެން ހިޖުރަކުރި އާއިލާތަކުގައި ތިބި ކިޔަވާކުދިންނަށް ތަޢުލީމު ފޮރުކޮށްދިނުމަށް 17 ސެޕްޓެމްބަރ 2000 ވީ އާދިއްތަ ދުވަހު ސަރުކާރުން ހުޅުވައިދެއްވި ސްކޫލެކެވެ. މިސްކޫލުގައި ކިޔަވައި ދޭންފެށީ މާކަނޑޫދޫސްކޫލުގެ ހިޔާ ސްކޫލެއްގެގޮތުގައެވެ.އަދި ބޭނުންކުރަމުންއައީ މާކަނޑޫދޫސްކޫލުގެ ޔުނިފޯމާ ބެޖާއި ދިދައެވެ. އެހެންކަމުން މިލަންދޫ ސްކޫލުގެ ތާރީޚު ގުޅިފައިވަނީ މާކަނޑޫދޫ ސްކޫލާއިއެވެ.އަދި މިސްކޫލުގެ ތައުލީމީ ހަޔާތް ފެށިފައިވަނީ 14 ރަޖަބު 1283 (21 ނޮވެމްބަރ 1866) ގައެވެ. މިލަންދޫ ސްކޫލުގައި ފައުންޑޭޝަން ސްޓޭޖް އިން ގްރޭޑް 12 އަށް ޖުމްލަ 632 ދަރިވަރުން ތައުލީމް ހާޞިލް ކުރަމުންދެއެވެ