ސްކޫލް ތަޢާރަފު

ބިލެތްފަހީ މަކްތަބްގެ ނަމުގައި 02 ސެޕްޓެމްބަރ 1980 ގައި މިނިސްޓްރީ އޮފް އެޑިއުކޭޝަންގައި ރަޖިސްޓްރީކުރެވި ހިންގަމުންއައި މަކްތަބުގެ ނަން 12 އޮކްޓޫބަރ 1988 ގައި، ބިންގާއެޅި ބިލެތްފަހީ ސްކޫލުގެ ނަމަށް ވަނީ ބަދަލުކުރެވިފައެވެ. ބިލެތްފަހީ ސްކޫލުގެ ބިންގާ އަޅުއްވައި ދެއްވީ އޭރުގެ ށ.އަތޮޅުގެ އަތޮޅުވެރިޔާ އަލްފާޟިލް މުޙައްމަދު ތައުފީޤް ކަލޭފާނެވެ. ސްކޫލް އިމާރާތުގެ އެންމެހާ މަސައްކަތް ނިންމާ ސްކޫލް ރަސްމީކޮށް ހުޅުއްވައިދެއްވީ އޭރުގެ މިނިސްޓަރ އޮފް އެޓޯލްސް އަލްއުސްތާޒު އަބުދުﷲ ހަމީދެވެ. ބިލެތްފަހީ ސްކޫލް ހުޅުވުނީ 13 ޖަނަވަރީ 1990 ވަނަ އަހަރުއެވެ. މިސްކޫލުގެ ނަން ކަމުގައިވާ ""ބިލެތްފަހީ ސްކޫލް"" ނިސްބަތްވަނީ ރަށުގެ ނަމަށެވެ. މި ސްކޫލުގައި ފައުންޑޭޝަން އިން ފެށިގެން ގްރޭޑް 10 އާއި ހަމައަށް ކިޔަވައިދެއެވެ. މިސްކޫލްގައި ކިޔަވައިދެނީ ކޮމްބައިން ސްޓިރީމަށެވެ.