ސްކޫލް ތަޢާރަފު

ށ. ފޭދޫ ސްކޫލް ފުރަތަމަ ރެޖިސްޓްރީ ކުރެވިފައިވަނީ، 23 ޖޫން 1981 ވަނަ އަހަރު، ""ފޭދޫ މަކްތަބް""ގެ ނަމުގައެވެ. އަދި 19 ޖެނުއަރީ 1994 ވަނަ އަހަރު، ސްކޫލުގެ ނަން ""ފޭދޫ މަކްތަބް"" އިން ""ފޭދޫ ސްކޫލް"" އަށް ބަދަލުކުރެވުނެވެ. ފަށާ ތައުލީމްދޭ ސްކޫލެއްގެ ގޮތުގައި ފެށުނު މިސްކޫލް، މެދު މަދަރުސީ ފަހަނަ އަޅާ މިއަދު މިވަނީ ސަނާވީގެ މަރުޙަލާއާ ހަމައަށް ވާސިލްވެފައެވެ. ފައުންޑޭޝަން ސްޓޭޖުން ފެށިގެން ގްރޭޑް 10 އާ ހަމައަށް ކިޔަވައިދޭ މި ސްކޫލަކީ ދެދަންފަޅިއަށް ކިޔަވައިދޭ ސްކޫލެކެވެ. ސާނަވީ މަރުހަލާގެ ދަރިވަރުންނަށް ސައިންސް ސްޓްރީމާއި ބީޓެކް ސްޓްރީމަށް ކިޔެވުމުގެ ފުރުސަތު ދެވިފައިވާ މިސްކޫލުން އެންމެ އިސްކަމެއްދޭ އިސް ލަނޑުދަނޑިއަކީ ސްކޫލްގެ ތަސައްވަރާއި އަމާޒަށް ވާސިލްވުމާއި ކޮންމެ ގްރޭޑަކަށްވެސް ކަނޑައެޅިފައިވާ މުޤައްރަރާ އެއްގޮތަށް އެ ދަރިވަރެއްގެ ޤާބިލުކަން ހުރި މިންވަރަކުން ޢިލްމީ ގޮތުން ދަރިވަރުން ކުރިއެރުވުމަށް މަސައްކަތް ކުރުމެވެ. އެގޮތުން މި ސްކޫލްގެ މޮޓޯކަމުގައި ކަނޑައަޅާފައިވަނީ އަޒުމާއި އިޚްލާސްތެރިކަން - ކާމިޔާބީގެ އަސްލު(.) މިއެވެ.