ސްކޫލް ތަޢާރަފު

އަމިއްލަފަރުދެއްގެ އިސްނެގުމުގެ މަތިން ފުނަދޫގައި ތައުލީމީ ހިޔާވައްސެއްގެ ޚިދުމަތް ލިބެންފެށީ 16 މާރިޗު 1972ގަ. 1 ޖެނުއަރީ 2001 ގައި ސްކޫލުގެ މަސްއޫލުވެރިކަން، ""ށ. ފަރުކޮޅުފުނަދޫ އޮފީހުން، މިނިސްޓްރީ އޮފް އެޑިޔުކޭޝަންގެ ދަށަށް ބަދަލުކުރެވުނު. އަދި ""ފުނަދޫ ސްކޫލް"" ނަމަށް 8 ސެޕްޓެމްބަރ 2002ގައި ރަޖިސްޓްރީ ކުރެވިފައިވޭ. ފުނަދޫ ސްކޫލްގައި ޘާނަވީ ފެންވަރަށް ކިޔަވައިދޭންފެށީ 2000 ވަނަ އަހަރު. މަތީ ސާނަވީ ތަޢުލީމުގެ ބިންގާ އެޅުނީ 2006 ވަނަ އަހަރު. ފުނަދޫ ސްކޫލްގައި ފައުންޑެޝަން ސްޓޭޖުން ފެށިގެން ކީސްޓޭޖް 5 އާއި ހަމައަށް ދަނީ ތައުލީމު ފޯރުކޮށްދެމުންނެވެ. ޘާނަވީ އަދި މަތީ ޘާނަވީގައި ސައިންސް ސްޓްރީމާއި، ބިޒްނަސް ސްޓްރީމުގެ އިތުރުން ބީޓެކް ސްޓްރީމަށް ދަރިވަރުން ކިޔަވަމުންގެންދެއެވެ. މީގެ އިތުރުން ސެން ކުލާހުގައި ރަޖިސްޓްރީވެގެންނާއި އަދި މެއިން ސްޓްރީމްގައި ދަރިވަރުންދަނީ ތަޢުލީމު ހާޞިލުކުރަމުންނެވެ.