ސްކޫލް ތަޢާރަފު

ޅޮހީގައި ރަސްމީ ތަޢުލީމު ފެށިގެން އައީ 1967 ވަނަ އަހަރުގެ ފެބްރުއަރީ މަހުގެ 28 ވަނަ ދުވަހު. މަދަރުސާހުޅުވުނު އިރު ޙަރަކާތްތެރި ވަމުން ދިޔައީ 30 އަށްވުރެ މަދު ދަރިވަރުންނާއިއެކު، އެކެއް ނުވަތަ ދެ އެދުރުބެއިން. ދިވެހިރާއްޖެއަށް ޖުމްހޫރިއްޔާގެ ނަމުގާ އައި ބޮޑުބަދަލާއެކު ރާއްޖޭގެ ރަށްރަށުގައި ތަޢުލީމީ ބިނާތަކެއް ޢިމާރާތްކުރެވުނު. އެގޮތުން1980 ވަނަ އަހަރު އޮކްޓޯބަރ މަހު 26 ގައި އޭރުގެ ރައީސުލް ޖުމްހޫރިއްޔާ އަލްއުސްތާޒް މަޢުމޫން ޢަބްދުލް ޤައްޔޫމް، ޅޮހީ މަކުތަބުގެ ނަމުގައި އާ އިމާރާތެއް ހުޅުވައިދެއްވި. އެއާއެކު ފުރަތަމަ ފަހަރަށް ހުދު ޔުނީފޯމް ތަޢާރަފު ކުރެވި ޒަމާނީ ތަޢުލީމު ގެ ފެށުން އައި. އެއަށްފަހު 1992 ވަނަ އަހަރު ގެ އޭޕްރީލް މަހުގެ 30 ވަނަ ދުވަހު އަޅުގަނޑުމެން މިދެކޭ ޢިމާރާތް ގުރޭޑް 1 ން 5 ށް ކިޔަވައިދޭ ސްކޫލެއްގެ ގޮތުގައި ހުޅުވުނެވެ. މިނިސްޓްރީ އޮފް އެޑިޔުކޭޝަންގައި ސްކޫލް ރަޖިސްޓްރީ ކުރެވުނު ތާރީޚް އަކީ 1984 އޭޕްރިލް 15 ވަނަ ދުވަހެވެ.