އަޅުގަނޑުމެންނީ ހަލުވިކަމާއެކު ބަދަލުވަމުން މިދާ ދުނިޔެއަށް ދަރިވަރުން ތައްޔާރުކުރުމަށް އަމާޒު ހިފައިގެން ތިބި، އެކަމަށް ޓަކައި އިސްލާމީ ރިވެތި އުޞޫލުތަކާއި، ބިނާކުރަނިވި އުފެއްދުންތެރި ވިސްނުމުގެ ހުނަރާއި، ބަވަނަވެތި ނަޒަރުން ދެނެގަތުމަށް މަގުފަހިކޮށްދިނުމުގެ އާދަ ދަރިވަރުންގައި އަށަގަންނުވައި، އެގޮތުގައި ކުރިމަގަށް ވިސްނާ މުއައްސަސާއެއް ކަމުގައި ވުމެވެ.

- ދަރިވަރުންގެ މުޅި ޙަޔާތަށް ދެމިގެންދާފަދަ ޢިލްމެއް ފޯރުކޮށްދިނުމަށް އިޖްތިމާޢީ، ނަފްސާނީ، ޖިސްމާނީ އަދި ވިސްނުމުގެ ރޮނގުން ކޮންމެ ދަރިވަރަކުމެ ތަރައްޤީކުރުވުމަށް ބާރުއަޅާ ޙާލު، އަޅުގަނޑުމެންގެ ދަރިވަރުންނަށް ހިތްވަރުދީ، އޯގާތެރި، ރައްކާތެރި މާޙައުލެއް ދައްކައިދިނުން. - އިސްލާމް ދީނަށާއި، އަމިއްލަވަންތަ ކަމަށް އޮތް ފަޚްރު ދަރިވަރުންގައި އަށަގަންނުވައި، އެ ދަރިވަރުންނަކީ އުފެއްދުންތެރި ދިވެހީންނަށް ހެދުމަށް މަގުފަހިކުރުވުން. - ދަރިވަރުންގެ އުނގެނުމާއި، މުޅި މުއައްސަސާގެވެސް ތަރައްޤީގައި ޙަރަކާތްތެރި، އިސް ރޯލެއް އަދާކުރުމުގެ ފުރުޞަތު، އަޅުގަނޑުމެންގެ ލޮބުވެތި ބެލެނިވެރިންނަށާއި، މުދައްރިސުންނަށް އަދި މުޅި މުޖްތަމަޢަށް އެރުވުމަށް ގަދައަޅައި މަސައްކަތް ކުރުން.