Vaadhoo School logo

ރ. އަތޮޅު

ވާދޫ ސްކޫލް

އުފެދުނީ: 21 މޭ 1980

map

ދަރިވަރުން

99 +

މުދައްރިސުން

24 +

އިދާރީ މުވައްޒަފުން

8 +
މި ވެބްޕޭޖުގައިވާ މަޢުލޫމާތަކީ ސްކޫލް އިން މިނިސްޓްރީ އަށް ފޯރުކޮއްދީފައިވާ މަޢުލޫމާތެވެ.

ސްކޫލް ތަޢާރަފު

ތާރީޚީ ގޮތުންބަލާއިރު، ވާދޫސްކޫލް އެއްމެފުރަތަމަ އުފެދިގެން އައީ އިލެމެންޓްރީ ސްކޫލެއްގެގޮތުގައި 1950 ވަނަ އަހަރުގައެވެ. އެގޮތުން އެއްމެފުރަތަމަ ދަނޑިފަނުން އިމާރާތްކުރެވުނު މަދަރުސާ ޢިމާރާތްކުރެވުނީ ރ.ވާދޫ އަލިވާގެ ހުރި ބިމުގައެވެ. އެއީ ވާދޫ ޢަލީކަލޭފާނުގެ ކަތީބުކަމުގައެވެ. ރާއްޖެއަށްކުރި ގަދަވިއްސާރައެއްގައި މި މަދަރުސާ ހަލާކުވުމުން، ދެވަވަނަ ފަހަރަށް މަދަރުސާ ޢިމާރާތްކުރެވުނީ އޭރުގެ ކާޑުގޭގެ ހުޅަނގުކޮޅުގައިއެވެ. 1960 ވަނަ އަހަރު ސުމުއްވުލް އަމީރު މުޙައްމަދު ފަރީދުގެ ރަސްކަމުގެ ދުވަސްވަރު، ވާދޫ ޗާންދަނީވިލާ މުޙައްމަދު އިބްރާހީމްގެ ކަތީބުކަމުގައި ވާދޫ ފިނިވާގޭ ހުޅަނގުގައި ތިންވަނަފަހަރަށް މަދަރުސާ ޢިމާރާތްކުރެވުނެވެ. ރައީސް މައުމޫނުގެ ވެރިކަމުގައި 1979 ވަނަ އަހަރު މަދަރުސަތުލް ސަޢާދާގެ ނަމުގައި މަދަރުސާ ފުރަތަމަފަހަރަށް ރަޖިސްޓްރީކުރެވުނެވެ. ނާޒިރަކީ ޗާންދަނީވިލާ މުޙައްމަދު އިބްރާޙީމެވެ. އެއަށްފަހު 1980 ވަނައަހަރު ވާދޫ މަކުތަބުގެ ނަމުގައި މަދަރުސާ ައަލުން ރަޖިސްޓްރީކުރެވުނެވެ. 1984 ވަނަ އަހަރު އެމެރިކާގެ ހިލޭ އެހީދޭ ޖަމިއްޔާއެއްކަމުގައިވާ އައި.ހެޕް ގެ ފަރާތުން 3 ކްލާސްރޫމްގެ އިމާރާތައް ބޭނުންވާތަކެއްޗާއި ކޮންސަލްޓޭޝަން ފޯރޮކޮށްދެއްވުމުން މުޅި ޢިމާތާރުގެ މަސްއަކަތްކުރެއްވީ ވާދޫ ރައްޔިތުންނެވެ. މި ޢިމާރާތުގެ ބިންގާ އަޅުއްވައިދެއްވެވީ ކަތީބް އަދި ނާޒިރު، މުޙައްމަދު އިބްރާޙީމެވެ. މި ޢިމާރަތްކުރެވުނީ ފިނިވާގޭ އިރުމަތީން އޮތް، ވާދޫ ނޫރާނީގެ ޔޫނުސްއާދަމަށް ދޫކުރެވިފައިވާ ބިން ރަށު އޮފީހުގެ ބޭނުްމަށް ނެގުމަށްފަހުގައެވެ. 1990 އަހަރުތަކުގައި ސްކޫލުގައި އެކި ގްރޭޑްތައް އުފެދެމުން 1999 ވަނަ އަހަރު މުޅީން އަލަށް ގްރޭޑް 7 ތަޢާރަފްކުރެވި އިނގިރޭސި މީޑިއަމަށް ބައެއް މާއްދާތައް ބަދަލުކުރެވުނެވެ. އަދި 2005 ވަނަ އަހަރު ސަރުކާރު ސްކޫލަކަށް ވާދޫސްކޫލް ބަދަލުވެގެން ދިޔައެވެ.2006ވަނަ އަހަރު ގްރޭޑް8 އުފެދި 2008 ވަނަ އަހަރު ފުރަތަމަ ފަހަރަށް ރަށުގައި ތިބެގެން ވާދޫގެ ކިޔަވާކުދިން ކޭމްބްރިޖް އިންޓަރނޭޝަނަލް އިމްތިހާނު ހެދިއެވެ. މުދައްރިސުންނާއި ސްކޫލު ހިންގެވި އެކި ބޭފުޅުންނަށް ބަލާއިރު، މި ސްކޫލުގެ ފުރަތަމަ ޕްރައިމަރީޓީޗަރަކީ ރ. ވަދޫ ޢަލިވާގޭ އަހުމަދު ދާއޫދެވެ. ފުރަތަމަ ސުޕަރވައިޒަރަކީ ބ. ދަރަވަންދޫ ވައިމަތީގޭ އައިމިނަތު ރަޝީދާއެވެ. ފުރަތަމަ އެކްޓިން ހެޑްމާސްޓަރަކީ ނ. ކުޑަފަރީ ވާދީ ލީލާ މުޙައްމަދެވެ. އެއްމެ ފުރަތަމަ ހެޑްމާސްޓަ ކަމާއި، އެސިސްޓެންޓް ޕްރިންސިޕަލްކަމާއި، ޑެޕިއުޓީ ޕްރިންސިޕަލް ކަމާއި ޕްރިންސިޕަލްގެ މަގާމް އަދާކުރެއްވީ ރ.ވާދޫ ނޫރާނީގޭ އިސްމާޢީލް ނަސީރެވެ.

މޮޓޯ ދިރިއުޅުމަށްޓަކައި އުނގެނޭށެވެ
ތަޞައްވަރު

ކޮންމެ ދަރިވަރަކުވެސް ފުރިހަމަ ރައްޔިތަކަށް ހެދުމަށްޓަކައި އެދަރިވަރުންނަށް ބޭނުންވާ ޢިލްމީ ޤާބިލްކަމާއި ދިރިއުޅުމުގެ ހުނަރުތައް ޤައުމީ މަންހަޖުގެތެރެއިން ހަމަ ހަމަކަމާއިއެކު ފޯރުކޮށްދިނުން ބަވަނަވެފައިވާ ދުނިޔެއަށް އަންނަމުންދާ ބަދަލުތަކާއި ކާމިޔާބީތައް ބަލާ ހޯދުމުގެ ޝައުގުވެރިކަން ދަރިވަރުންގެ ހިތުގައި އުފައްދާ އެކަމަށް ހިތްވަރުދިނުން

މުހިންމަތު

ވާދޫސްކޫލަކީ އިސްލާމްދީނަށް ޙުރުމަތްތެރިކޮށް ހިތާ، ދިވެހި ސަގާފަތައް ލޯބިކުރާ، ޒަމާނާގުޅޭ ހުރިހާ ގޮންޖެހުންތަކަކަށް ކުރިމަތި ލުމުގެ ކުޅަދާނަކަން ޢިލްމާ ޢަމަލުން ދައްކާނެ ގާބިލް ދަރިންތަކެއް އުފައްދާ ސްކޫލެއް

ގުޅުއްވުމަށް

Vaadhoo School logo
ރ. ވާދޫ
ވާދޫ ސްކޫލް، އަމީނީ މަގު، ރ. ވާދޫ، 05020
+960 6580362
admin@rvaadhooschool.edu.mv