ސްކޫލް ތަޢާރަފު

ފުޅަދޫ ސްކޫލަކީ މާޅޮސްމަޑުލު ދެކުނުބުރީ ""ފަޅުތެރެ"" ކިޔާ ސަރަޙައްދުގައި އޮންނަ ""ގޮއި ފުޅަ ފެހެންދޫ"" މިނަން ދީފައިވާ 3 ރަށުގެ ތެރެއިން ފުޅަދޫގައި ހުރި ހަމައެކަނި ސްކޫލެވެ. މިސްކޫލު ހުންނަނީ ބ. ފުޅަދޫ ފުޅަދޫކިލެގެ ހިނގުމުގައެވެ. މިސްކޫލް އެންމެ ފުރަތަމަ ހިންގަންފެށި ތާރީޚަކީ 20 ފެބްރުއަރީ 1997 އެވެ. . ފުރަތަމަ ސްކޫލް ހިންގާފައިވަނީ ރައްޔިތުންގެ ނަމުގައި ފުޅަދޫ އޮފީހުންނެވެ. އަދި އޭރުގެ މަސްއޫލުވެރި ފަރާތަކީ ރަށުގެ ކަތީބެވެ. ކިޔަވައިދޭ ފެންވަރަކީ ފަށާ ތަޢުލީމު ނުވަތަ ޕްރައިމަރީ ސްކޫލް (ގްރޭޑް 1-7 ) ށެވެ. ކިޔަވަދެނީ ދިވެހި މީޑިއަމަށެވެ. މިހާރު މިސްކޫލަކީ ސަރުކާރު ސްކޫލެކެވެ. މިހާރު ކިޔަވައިދިނުން ކުރިއަށްދަނީ މަލްޓިގްރޭޑްކޮށް ކީސްޓޭޖްތައް އެކޮށްލައިގެން ގްރޭޑް 10 އާއި ހަމައަށެވެ. ގްރޭޑް 10 އުފެދުނީ މި އަހަރު ( 2023 - 2024 ދިރާސީ އަހަރު ) އެވެ. ގްރޭޑް 10 އަކަށް ކިޔަވައިދިނުން ކުރިއަށްދަނީ ސެޓްލައިޓް މަފްޙޫމުގައެވެ. މިހާރު ކިޔަވައިދިނުންވަނީ އިނގިރޭސި މީޑިއަމަށް ބަދަލުކުރެވިފައެވެ. ސްކޫލުގައި ހުންނަނީ 4 ކްލާސްރޫމެވެ.