ކ. އަތޮޅު
ދަރިވަރުން
269 +މުދައްރިސުން
30 +އިދާރީ މުވައްޒަފުން
ސްކޫލް ތަޢާރަފު
ހިންމަފުށި ސްކޫލަކީ 1991 ވަނަ އަހަރުގެ ޖަނަވަރީ މަހުގެ 23 ވަނަ ދުވަހު ސަރުކާރުގެ ތަޢުލީމީ މުއައްސަސާއެއްގެ ގޮތުގައި ރަސްމީކޮށް އިފްތިތާޙުކުރެވުނު ސްކޫލެކެވެ. މި ސްކޫލުން ތަޢުލީމު ފޯރުކޮށްދެނީ ޕްރީސްކޫލް ފެންވަރުން ފެށިގެން ސާނަވީ ތަޢުލީމުގެ ފުރަތަމަ އަހަރު (ގްރޭޑް 10) އާ ހަމައަށެވެ. ""ކުރިއެރުމަށް ޢިލްމު އުނގެނޭށޭ"" މި ޝިޢާރުގެ ދަށުން ހިންމަފުށި ސްކޫލުގެ މައިގަނޑު އަމާޒަކީ، މި ސްކޫލުން ތަޢުލީމު ޙާޞިލްކުރާ ދަރިވަރުންނަކީ ޢިލްމީ ގޮތުން ޤާބިލު، އުފެއްދުންތެރި، އަޚްލާޤު ރަނގަޅު އަދި ދިރިއުޅުމުގެ ހުނަރުތަކުން ފުރިހަމައަށް މުއްސަނދި ދަރިވަރުންތަކެއްގެ ގޮތުގައި ބިނާކުރުމެވެ. މި ސްކޫލުން ކުރާ މަސައްކަތްތަކުގެ އަމާޒަކީ ދަރިވަރުންގެ ކިބައިގައި މުޖުތަމަޢަށް ފައިދާހުރި ރައްޔިތުންގެ ސިފަތައް އަށަގެންނެވުމެވެ.
ހިންމަފުށީ ސްކޫލުން ތަޢުލީމް ޙާޞިލްކުރާ ކޮންމެ ދަރިވަރަކީ ޖަމާޢަތުގެ ބައިވެރިއެއްގެ ގޮތުން، ވިސްނުމާއި ހުނަރުގެ ގޮތުން، އަދި މަސްއޫލިއްޔަތު އަދާކުރުމުގައި އަމިއްލައަށް ކަންތައްތައް ކުރުމުގެ ޤާބިލްކަން ލިބިފައިވާ އުފެއްދުންތެރި ޒިންމާދާރު ދަރިވަރަކަށް ހެދުމެވެ.
ހިންމަފުށީ ސްކޫލްގެ އަމާޒަކީ، އައު އީޖާދުތަކާއި އުފެއްދުންތެރި ގޮތްތައް ބޭނުންކޮށްގެން، ކޮންމެ މީހަކަށްވެސް އިޙްތިރާމް ކުރުމާއެކު އެންމެން ބައިވެރިވެ، ޒިންމާވެގެން ފެންވަރު ރަނގަޅު ތަޢުލީމާއި، އިސްލާމީ ތަރުބިއްޔަތަށް ގަދައަޅާ މަސައްކަތް ކުރުމެވެ.