ސްކޫލް ތަޢާރަފު

މި ސްކޫލަކީ 13 ސެޕްޓެމްބަރ 1980 ގައި ގާފަރު މަކުތަބްގެ ނަމުގައި ރަޖިސްޓްރީ ކުރެވިގެން ހިނގަމުން އަންނަ ސްކޫލެކެވެ. އެއަށްފަހު 1987 ޖޫން 7 ގައި މި ސްކޫލުގެ ނަން ގާފަރު މަދަރުސާގެ ނަމަށް ބަދަލު ކުރެވުނެވެ. އަދި 2005 ވަނައަހަރުގެ އޯގަސްޓް މަހު މި ސްކޫލަކީ ސަރުކާރު ސްކޫލެއްގެ ގޮތުގައި ހަމަޖެހުމާއި ގުޅިގެން އެއަހަރުން ފެށިގެން މި ސްކޫލުގެ ނަމަކީ ގާފަރު ސްކޫލުގެ ގޮތުގައި ބޭނުންކުރަން ފެށުނެވެ. ނަމަވެސް ގާފަރު ސްކޫލުގެ ނަމުގައި މި ސްކޫލުގެ ނަން ރަޖިސްޓްރީ ކުރެވިފައިވަނީ 2006 ވަނައަހަރުގެ އޮކްޓޯބަރ 1 ގައެވެ. އަދި ހަމަ މިތާރީޚްގައި ސްކޫލުގެ މޮޓޯވެސްވަނީ ބަދަލުކުރެވި ރަޖިސްޓްރީ ކުރެވިފައެވެ. މިހާރު މި ސްކޫލުގެ މޮޓޯއަކީ "" ހޯދާށެވެ. ޙައްލުކުރާށެވެ. އަދި ކާމިޔާބު ކުރާށެވެ."" އިނގިރޭސިބަހުންނަމަ، “Search, Solve and Succeed”. އެވެ.