ސްކޫލް ތަޢާރަފު

މާލެ އަތޮޅު ދިއްފުށީގައި ތައުލީމް އެންމެ ފުރަތަމަ ރަސްމީ ސިފައެއްގައި ފޯރުކޮށްދެއްވަން ފައްޓަވާފައިވަނީ ކ. ދިއްފުށީ ފިނިހިޔޭގޭ އަލްމަރުހޫމް ހުސައިން ފިކުރީގެ މަސްއޫލުވެރިކަމުގެ ދަށުން 16 ޖުލައި 1981 ވަނަ އަހަރު އުފެއްދެވި މަކްތަބުލް އަމާނުންނެވެ. 1991 ވަނަ އަހަރު މަކްތަބުލް އަމާން ދިއްފުށީ މަދަރުސާއަށް ބަދަލުކުރެވި، އޭގެ ފަހުން 2006 ވަނަ އަހަރުގެ އޯގަސްޓް މަހުގެ 10 ވަނަ ދުވަހު ސަރުކާރު ސްކޫލަކަށް ބަދަލުކުރެވުނެވެ. އަދި ސްކޫލުގެ މިހާރުގެ ނަންކަމަށްވާ ދިއްފުށީ ސްކޫލުގެ ނަމަށްބަދަލުވެފައިވަނީ 2010 ވަނަ އަހަރުއެވެ. ސްކޫލުގައި ކިޔަވާދެމުން ގެންދަނީ ފައުންޑޭޝަން ސްޓޭޖުން ފެށިގެން ކީސްޓޭޖް 4 އަށް ދަރިވަރުން ޖުމްލަ 14 ކުލާސްރޫމްގެ މައްޗަށް ބަހާލެވިގެން އެއް ސެޝަންއަށެވެ. ކީސްޓޭޖް 4 ގެ ދަރިވަރުންނަށް ބިސްނަސް، ސައިންސް އަދި ބީޓެކް ސްޓްރީމްގައި ކިޔެވުމުގެ ފުރުސަތު ހުޅުވާލެފައިވެއެވެ. ސްކޫލުގެ އަމާޒަކީ ސްކޫލުން ނިންމާ ކޮންމެ ދަރިވަރަކީވެސް ދުނިޔެއާއި އާޚިރަތުގައި ކާމިޔާބު ދަރިވަރަކަށްވުމަށް މަގުދައްކާދިނުމެވެ.