ސްކޫލް ތަޢާރަފު

17 އޮކްޓޫބަރ 1981 ގައި ކިޔަވައިދޭން ފެށި އުކުޅަހު ޕްރައިމަރީ ސްކޫލަކީ ފަށާ ތަޢުލީމުގެ މަރުޙަލާގެ ކިޔެވުން އއ. އުކުޅަހުގައި ފެށިގެން އައި ސްކޫލް. 2005 ވަނަ އަހަރު މިސްކޫލްގެ ނަން އުކުޅަހު ސްކޫލްގެ ނަމަށް ބަދަލުކޮށް 2006 ގައިވަނީ ރަސްމީކޮށް ޘާނަވީ މަރުޙާލާއަށް ކިޔަވައިދޭން ފަށާފައި. އަދި 2008 ވަނަ އަހަރު ވަނީ މި ސްކޫލްގެ ދަރިވަރުންނަށް ރަށުގައި ތިބެގެން ޘާނަވީ މަރުޙަލާ ފުރިހަމަކޮށް އެސް. އެސް. ސީ އަދި އޯލެވެލް އިމްތިޙާނު ހެދުމުގެ ޝަރަފު ލިބިފައި. މީގެ އިތުރުން 2009 ވަނަ އަހަރު މިސްކޫލްގައި ވަނީ މަތީޘާނަވީއަށް ކިޔަވައިދޭން ފަށާފައި. މިއީ މަތީޘާނަވީ މަރުޙަލާގައި ކިޔަވައިދިނުމުގެ ފުރުޞަތު އއ. އަތޮޅަށް ލިބުނު ފުރަތަމަ ސްކޫލްވެސް މެ. އަދި އުކުޅަހު ސްކޫލަކީ ފައުންޑޭޝަން ސްޓޭޖުން ފެށިގެން މަތީ ޘާނަވީއަށް ތައުލީމު އުނގަންނައިދެމުން އަންނަ ސްކޫލެކެވެ.