ސްކޫލް ތަޢާރަފު

މިމަރުކަޒު އދ. އަތޮޅު މަދަރުސާއެއްގެ ނަމުގައި ބިންގާ އަޅުއްވައި ދެއްވީ 1981 ވަނައަހަރު ޖެނުއަރީމަހުގެ 15 ވަނަ ދުވަހު އޭރުގެ މިނިސްޓަރ އޮފް އެޑިޔުކޭޝަން އަލްއުސްތާޛު މުޙައްމަދު ޒާހިރު ޙުސައިން އެވެ. މިމަރުކަޒު އ. އަތޮޅު މަދަރުސާގެ ނަމުގައި ހުޅުވުނީ 10 ފެބްރުއަރީ 1982 ގައެވެ. މަދަރުސާ ހުޅުއްވައި ދެއްވެވީ އޭރުގެ މިނިސްޓަރ އޮފް އެޑިޔުކޭޝަން އަލްއުސްތާޛު މުޙައްމަދު ޒާހިރު ޙުސައިން އާއި ޖަޕާނުގެ އެމްބެސެޑަރ ހިޒް އެކްސެލެންސީ މރ. ކަޒްއޯޗީބާއެވެ. 1985 ވަނައަހަރުގެ ފެބްރުއަރީ 7 ވަނަ ދުވަހު އަތޮޅު މަދަރުސާގެ ނަމުން އ.އަތޮޅު ތަޢުލީމީ މަރުކަޒުގެ ނަމަށް ބަދަލުކޮށްދެއްވީ އޭރުގެ މިނިސްޓަރ އޮފް އެޑިޔުކޭޝަން އަލްއުސްތާޛު މުޙައްމަދު ޒާހިރު ޙުސައިން އެވެ. މިރަސްމިއްޔާތުގައި މިނިސްޓަރ އޮފް އެޓޯލްސް އެޑްމިނިސްޓްރޭޝަން އޮނަރަބްލް އަލްއުސްތާޛު ޢަބްދުﷲ ޙަމީދު ބައިވެރިވެވަޑައިގެންނެވިއެވެ. ލާމަރުކަޒީ އުސޫލުން އަރިއަތޮޅު 2 ބައިކުރުމާއި ގުޅިގެން، 1998 ޖަނަވަރީ 14 ގައި ވަނީ އދ. އަތޮޅު ތައުލީމީ މަރުކަޒުގެ ނަމަށްމިމަރުކަޒުގެ ނަން ބަދަލުކުރެވިފައެވެ. މިމަރުކަޒަކީ ޖަޕާނު ސަރުކާރުގެ އެހީގެ ދަށުން ދިވެހި ސަރުކާރުން ޢިމާރާތް ކޮށްދެއްވާފައިވާ މަރުކަޒެކެވެ.