ދިގުރަށު ސްކޫލްގެ ތަސައްވުރަކީ ރަށުގެ މުޖްތަމަޢަށާއި، ދިވެހި ޤައުމަށް ޚިދުމަތްތެރި އަދި މުޅި ދުނިޔެއަށްވެސް އަލިކަން ފަތުރައިދޭ ދަންމަރަކަށްވުމެވެ. ސްކޫލްގެ މޮޓޯ ބާރުއަޅާ ކަންކަމުގެ ތެރޭގައި، އިސްލާމްދީނުގެ މަތިވެރި ސުލޫކާއި، އުޞޫލުތަކަށް ބޯލަނބާ، ދިވެހި ޤައުމަށް ތެދުވެރި ހަރުދަނާ ލީޑަރުންތަކެއް އުފެއްދުން ހިމެނެއެވެ.

ތައުލީމީ ރޮނގުން ކާމިޔާބީހޯދާ ކޮންމެ ކުއްޖަކީވެސް ހަރުދަނާ ސިފަތަކަކާއި އުޞޫލުތަކަކާއި ސަޚްޞިއްޔަތެއް ލިބިފައިވާ ކުއްޖަކަށް ހެދުމަކީ ދިގުރަށު ސްކޫލްގެ އަމާޒެވެ. މިގޮތުން ދިރިއުޅުމުގެ ޢަމަލީ މައިދާނަށް ނުކުންނަ ކޮންމެ ކުއްޖަކީވެސް ރޫހާނީ ގޮތުންނާއި، ޖިސްމާނީ ގޮތުންނާއި، ފިކުރީގޮތުން ހަރުދަނާ ކުއްޖަކަށް ހެދުމަށް މަސައްކަތްކުރާނެއެވެ. ހަމަ އެހެންމެ އަމިއްލަ ނަފްސަށާއި ދިވެހި ޤައުމަށްޓަކައި ކޮންމެ ދަރިވަރަކުވެސް ކުރާ އުއްމީދުތައް ހާޞިލްކުރުމަށްޓަކައި ބޭނުންވާ ފުރުޞަތުތައް ތަނަވަސްކޮށްދިނުމަށްވެސް މި ސްކޫލް މަސައްކަތް ކުރާނެއެވެ.