ސްކޫލް ތަޢާރަފު

މިސްކޫލަކީ ހިޖުރައިން 1373 ވަނަ އަހަރުގެސައްވާލުމަހުގެ 1 ވަނަދަވަހުގެރޭ ހުޅުވުނު މިމަދަރުސާ ދަނޑިފަނުން ޢިމާރާތް ކޮށް ""މަކްތަބަތުލް ޙިދާޔާގެ "" ނަމުގައި 30 ދަރިވަރުންނާއެކު ، މުލަކުގެ ދަރިންނަށް ޢާންމުކޮށް ކިޔަވާ ޢުމުރުގެ ހުރިހާ ކުދިންނަށް ފަސޭހަ ކަމާއެކު އުނގެނުމުގެ ފުރުޞަތު ހޯދައިދިނުމާއި އެކުދިންނަކީ މުޖުތަމަޢު ޤަބޫލުކުރާ ހަރުދަނާ ޢަޙުލާޤީ ސިފަތަކެއްގެ މަތީގައި ތަރުބިއްޔަތު ކޮށް މުޖުތަމައަށް ނެރެވޭ ބަޔަކަށް ހެދުމުގެ މާތްމަޤުސަދުގައި އުފެދިފައިވާ ސްކޫލެކެވެ. މިސްކޫލް މިހާރުމިހުރިތަނުގައި 3 ކުލާސްރޫމުގެ އެންމެ ޢިމާރާތެއްގައި 3 ޓީޗަރުން ތިބެގެން ގާތްގަޑަކަށް 157 ދަރިވަރުންނާއެކު 01 މާރޗް 1981 ގައި ހިނގަންފަށާފައިވަނީ ޕްރައިމަރީ ސްކޫލެއްގެ ގޮތުގައެވެ. ސްކޫލުގެ ރަސްމީ ލިޔެކިޔުންތަކުން އެނގެން ނެތް ކަމުގައިވިޔަސް އޭގެ މާކުރިންސުރެފެށިގެން ‘’މަދަރުއަސަތުލް ޙިދާޔާ’’ގެ ނަމުގައި މެދުކެނޑުމެއްނެތި ހިނގަމުން އަންނަތާ މިހާރު 72 އަހަރަށްވުރެގިނަދުވަސްވެފައިވާކަމަށް މުލަކު އޮފީހުން ފެންނަން ހުރި އެޒަމާނުގެ ލިޔެކިޔެންތަކުން ދައްކައެވެ. މިހިނގާ 2024 ވަނަ އަހަރު މި ސްކޫލުގައި 380 ދަރިވަރުން ތަޢުލީމް ޙާޞިލް ކުރަމުންދާއިރު، އެދަރިވަރުންނަށް ޚިދުމަތް ދިނުމުގައި 59 މުވައްޒަފުން ޙަރަކާތްތެރިވެލަށްވައެވެ. އަދި 16 ކުލާސް ރޫމާއި، ލައިބްރަރީއާއި، ކޮމްޕިއުޓަރ ލެބާއި، ސައިންސް ލެބާއި، އެޗް.އޯ.ޑީ. ރޫމާއި، އޮފީހާއި، ޕްރެޔަރ ރޫމާއި، މަލްޓިޕާރޕަސް ހޯލުގެ އިތުރުން ޕްރިންސިޕަލް ހުންނެވުމަށް ރައްޔިތުން ޢިމާރާތްކޮށްފައިވާ ގެއެއް ސްކޫލުގައި ޤާއިމްކުރެވިފައި ވެއެވެ.