ސްކޫލް ތަޢާރަފު

ތ.ވަންދޫ ސްކޫލް އަކީ ދިވެހިޤައުމަށް ފައިދާކުރަނިވި ދިވެހިވަންތަކަން ހުރި އިސްލާމްދީނަށް ލޯބިކުރާ ދީނީ ވާޖިބުތައް އަދާކުރުމާއެކު ޒިންމާދާރު ހަރުދަނާ ތަރުބިއްޔަތެއް މަތީގައި މުޖުތަމަޢު ބިނާކުރުމުގެ ޤާބިލްކަން ހުރި ހަރުދަނާ މުވާޠިނުންތަކެއް ބިނާކުރުމަށާއި ފަންނީ އިތުރު ހަރަކާތްތަކުގެ ރޮނގުން ހަރުދަނާ ޖީލެއް އުފެއްދުމުގެ މަޤުސަދުގައި ރަށުގެ ރައްޔިތުން އުފެއްދިސްކޫލެކެވެ. މިސްކޫލް ހުޅުވިފައި ވަނީ 25ޖޫން 1980ގައެވެ. 2003ވަނައަހަރު މިސްކޫލް ސަރުކާރުގެ ސްކޫލަކަށް ބަދަލުވުމާއި ހަމައަށް މިސްކޫލް ހިންގަމުން ގެންގޮސްފައިވަނީ މިރަށު ރައްޔިތުންގެ ބެލުމުގެ ދަށުން ސަރުކާރުން އެހީތެރިވެދެއްވައިގެންނެވެ. މި ސްކޫލް ސަރުކާރު ސްކޫލަކަށް ބަދަލުވެފައިވަނީ 2003 ވަނަ އަހަރުއެވެ. 2013 ވަނަ އަހަރު ޘާނަވީއަށް ކިޔަވައިދެން ފެށިފައިވާއިރު ، އޯލެވެލް ސެންޓަރެއްގެ ގޮތުގައި ރަޖިސްޓްރީ ކުރެވި އެންމެ ފުރަތަމަ ޘާނަވީ އިމްތިހާން ހަދާފައިވަނީ 6 ދަރިވަރުންނާއެކު ، 2015 ވަނަ އަހަރުގައެވެ.