ދަރިވަރުން
748 +މުދައްރިސުން
79 +އިދާރީ މުވައްޒަފުން
ލ.އަތޮޅު ތަޢުލީމީ މަރުކަޒު ހުޅުވުނީ 1983 ވަނަ އަހަރު މެއި މަހުގެ 7 ވަނަ ދުވަހުއެވެ. އެއީ ލ.ފޮނަދޫ ފަސްގަނޑަށް ތަޢުލީމީ ހިޔާ ފެތުރިގެން ދިޔަ އުފާވެރި ދުވަހެވެ. ލ.އަތޮޅު ތަޢުލީމީ މަރުކަޒު ހުޅުވުނު އިރު ތިބީ ޖުމްލަ 287 ދަރިވަރުންނެވެ. އޭރު އިދާރީ މަސައްކަތާއި، ކިޔަވައިދިނުމާއި އަދި އެހެނިހެން މަސައްކަތަށްވެސް ތިއްބެވީ ޖުމްލަ ވަރަށް މަދު މުވައްޒަފުންނެވެ. މިމަރުކަޒުގެ ވެރިއެއްގެ ގޮތުގައި ހުންނެވީ ލ.މާވަށު އަބްދުލް އަޒީޒު ޖަމާލު އަބޫބަކުރެވެ. ވޭތުވެދިޔަ ދިގު މާޒީގައި މި މަރުކަޒުވަނީ ތަފާތު ކުރިއެރުންތައް ހޯދާފައެވެ. ޢުމްރާނީ ގޮތުންނާއި ތަޢުލީމީ ގޮތުންނެވެ. ރަސްމީ ކްލާސް ތަކުގެ ގޮތުގައި ގްރޭޑް 1 އިން 3 އަށާއި، ޕްރޮގްރެސިވް ކްލާސް 1،2 އަދި ބޮޑެތި ކުދިންނަށް އުފެއްދި ޚާއްސަ ކުލާހުން ފެށުނު މިމަރުކަޒު މިހާރު ވަނީ ފައުންޑޭޝަން އިން ގްރޭޑް 12 އަށް ތަޢުލީމު ފޯރުކޮށްދޭ މަރުކަޒަކަށް ވެފައެވެ. މިއަދު މިމަރުކަޒުން ސައިންސް ސްޓްރީމާއި ބިޒްނަސް ސްޓްރީމް، އޯލެވެލް ބީޓެކް ހޮސްޕިޓަލިޓީ އަދި އޭލެވެލް ބީޓެކް ބިޒްނަސް ކިޔެވުމުގެ ފުރުޞަތު ވަނީ ފަހިވެފައެވެ.
"އަޅުގަނޑުމެންގެ ތަޞައްވަރަކީ އިސްލާމީ އުޞޫލުތަކާއި ޤައުމީ އަޚުލާޤިއްޔާތު ދަމަހައްޓައި، ގުޅިގެން އުޅޭ މުއްސަނދި މުޖުތަމައެއް ބިނާކުރާ މުއައްޞަސާއަކަށް މިސުކޫލު ހެދުމެވެ."
ލ.އަތޮޅު ތަޢުލީމީ މަރުކަޒުގެ ލަނޑުދަނޑިއަކީ ސްކޫލްގެ ދަރިވަރުންގެ ކިބައިގައި އިސްލާމް ދީނާއި، ދިވެހި ޤައުމީ ރިވެތި އުސޫލުތައް ހަރުލެއްވުމާއި، ޤައުމިއްޔަތަށް ލޯބިކުރާ، މުޖްތަމަޢުއަށް ފައިދާކުރާ، ޢިލްމީ ގޮތުން ކުރިއަރާފައިވާ ފަރުދުން ބިނާކުރުން.