ސްކޫލް ތަޢާރަފު

ގދ. އަތޮޅު މަދަރުސާގެ ނަމުގައި މިމަދަރުސާ ހުޅުވުނީ 13 ޑިސެމްބަރ 1984 ޑިސެމްބަރ 13 ވަނަދުވަހުއެވެ. މަދަރުސާ ހުޅުވައި ދެއްވީ އޭރުގެ އެޑިޔުކޭޝަން މިނިސްޓަރ އަލްއުސްތާޛު މުހައްމަދު ޒާހިރު ހުސެއިންއެވެ. މަދަރުސާ ހުޅުވުނުއިރު މަދަރުސާގައި ކިޔަވައިދެމުން އައީ ގުރޭޑް 1- 7 ކަށެވެ. 1999 ވަނައަހަރު މަދަރުސާވަނީ އެއްސްޓްރީމާއި އެކު ސެކަންޑަރީ ސުކޫލަކަށް ބަދަލުވެފައެވެ. މި މަދަރުސާގެ ފުރަތަމަ ބެޗް ކެމްބްރިޖް އިންޓަރނޭޝަނަލް އެގްޒަމިނޭޝަން ހަދާފައިވަނީ 2001 ވަނަ އަހަރުއެވެ. 2007 ވަނަ އަހަރު މި މަދަރުސާގައި 2 ސްޓްރީމަށް ކިޔަވައިދޭން ފެށުނެވެ. 2019 ވަނަ އަހަރު ގދ. އަތޮޅު މަދަރުސާ މުޅިން އާ އިމާރާތަކަށް ބަދަލުވެ އެއަހަރު މެދުތެރޭގައި އެއް ދަންފަޅިއަށް ކިޔަވައިދޭން ފެށުނެވެ. 2023 ވަނަ އަހަރު ސެޕްޓެންބަރ މަހުގައި މިސްކޫލްގައި ގްރޭޑް 11 ތައާރަފް ކޮށް ކިޔަވައިދޭން ފެށުނެވެ.