ސްކޫލް ތަޢާރަފު

ފުވައްމުލަކު ސްކޫލަކީ 1969 ވަނަ އަހަރު މެއި މަހުގެ 22 ވަނަ ދުވަހު ""މަކުތަބުލްނޫރާނިއްޔާ"" ގެ ނަމުގައި ރަޖިސްޓްރީ ކުރެވިގެން ހިންގަން ފެށި މަކްތަބެކެވެ. 24 ޑިސެމްބަރ 1975ގައި ""މަކުތަބުލްނޫރާނިއްޔާ""ގެ ނަން ""ފުވައްމުލަކު މަކުތަބު"" މިނަމަށް ބަދަލުކުރެވުނެވެ. 1987 ވަނަ އަހަރު މި މަކްތަބަށް ޢުމްރާނީ ގޮތުން އައި ހެޔޮ ބަދަލާއެކު ، ސްކޫލް ތަރައްޤީކުރުމަށް ކުރެވުނު މަސައްކަތުގެ ފުރަތަމަ ފިޔަވަހީގެ ދަށުން 4 ކްލާސްރޫމާއި އޮފީހަކާއި ފާޚާނާއެއް ޢިމާރާތް ކުރެވުނެވެ. މި މަސައްކަތްކުރެވިފައިވަނީ ސަރުކާރުން ތަކެތި ދެއްވައިގެން އަމިއްލަ ފަރާތްތަކެއްގެ ޝާމިލުވުމާއެކު އެ ފަރާތްތަކުގެ ޚަރަދާއި މަސައްކަތުންނެވެ. މިސްކޫލްގައި ކިޔަވައިދެނީ ފައުންޑޭޝަން އިން ފެށިގެން ގްރޭޑް 10 އަކާ ހަމައަށެވެ. ސްކޫލުގައި ކިޔަވާދެނީ ބިޒްނަސް ސްޓްރީމާއި ސައިންސް ސްޓްރީމެވެ. މިސްކޫލްގެ ބާނއަކީ ފުވައްމުލަކު ދޫޑިގަން، ލައިޓް ޢަބްދުލް ޙަމީދު ޢަލީއެވެ.