ސްކޫލް ތަޢާރަފު

ސ.އަތޮޅު މަދަރުސާއަކީ ހުޅުދޫ-މީދޫގައި ހުޅުވުނު ފުރަތަމަ ސަރުކާރު ސްކޫލެވެ. ޕްރައިމަރީ ސްކޫލެއްގެ ގޮތުގައި ފެށި މިސްކޫލަކީ މިހާރު ފައުންޑޭޝަން ސްޓޭޖުން ފެށިގެން ގްރޭޑް 10އާއި ހަމައަށް ކިޔަވައިދޭ ސްކޫލެކެވެ. ސ.އަތޮޅު މަދަރުސާގެ ކިޔަވައިދިނުމުގައި ގެންގުޅޭ ފަލްސަފާއަކީ ދަރިވަރުންނަކީ މުދައްރިސުންނަށް އިޙްތިރާމް ކުރާ، ކަންކަމަށް އިސްނަގާ، އިސްލާމްދީނާއި އަޤީދާ އަދި ޘަޤާފަތަށް ލޯބި ކުރާ ނަމޫނާ ބަޔަކަށް ހެދުމެވެ. މީގެ އިތުރުން ކޮންމެ ދަރިވަރަކީވެސް ތަފާތު ކުއްޖެއްކަން ވިސްނައިގެން ފިލާވަޅުތައް ރާވާ، ދަރިވަރުންގެ ވިސްނުމުގެ ފެންވަރު ތަފާތު ވާނެކަން ދަނެ އެއިން ކޮންމެ ކުއްޖަކަށްވެސް ފަހުމުވާނެހެން ފިލާވަޅުތަކާއި ސުވާލުތައް ބިނާކުރުމާއި ކޮންމެ ދަރިވަރަކީވެސް ޤައުމަށް ބޭނުންތެރި ދަރިވަރަކަށް ހެދުމުގެ ގޮތުން ހުރިހާ ދަރިވަރުންވެސް ތަފާތު ކުރުމެއްނެތި އުގަންނައިދިނުމުގެ ވައްޓަފާޅި ގެންގުޅުމެވެ. ސ.އަތޮޅުމަދަރުސާ ގެ ތަސައްވުރަކީ ވަށާޖެހޭތައުލީމެއް ފޯރޮކޮށްދީ، ދަރިވަރުންނަކީ ދިރިއުޅުމުގައި ދިމާވާ ގޮންޖެހުންތަކާއި ކެރިގެން ކުރިމަތިލާން ދަންނަ ޒިންމާދާރު ބަޔަކަށް ހެދުމުގައި ނަމޫނާ ސްކޫލަކަށް ވުމެވެ. އަދި ސ.އަތޮޅު މަދަރުސާގެ އަމާޒަކީ މިސްކޫލުގެ ކޮންމެ ދަރިވަރަކީ ނަފްސާނީގޮތުންނާއި، އިޖުތިމާއީގޮތުންނާއި ޖިސްމާނީގޮތުން ދުޅަހެޔޮ، ކާމިޔާބު ދަރިވަރުން ތައްޔާރުކުރުމެވެ.