ދަރިވަރުންގެ ޖިސްމާނީ، ފިކުރީ، ޢިލްމީ، ނަފްސާނީ އަދި އިޖްތިމާޢީ ކުރިއެރުމަށް މަގުފަހިކޮށްދޭ، ރައްކާތެރި، އުނގެނުމަށް ފަހި މާހައުލެއްގެ ތެރެއިން މައުނަވީ އުނގެނުމުގެ ތަޖުރިބާތައް ފޯރުކޮށްދިނުމާއި، ދިރިއުޅުމުގެ ހުނަރުތައް އަށަގެންނެވުމުގެ އިތުރުން، އިސްލާމީ ސިފަތަކުން ޒީނަތްތެރިވެފައިވާ އުފެއްދުންތެރި، ޤާބިލު، ޒިންމާދާރު، އަޚްލާޤީ މިންތައް ހިފަހައްޓާ، ޤާނޫނަށް ބޯލަނބާ، މުޖުތަމަޢަށް ޚިދުމަތްތެރި ފަރުދުން ބިނާކުރުން.

• މި ސްކޫލުގެ ދަރިވަރުން އިސްލާމް ދީނުގެ އެންމެހާ އުޞޫލުތަކާއި އަޞްލުތަކަށް ޢަމަލުކުރުން. • އޯ ލެވެލް އަދި އޭ ލެވެލް ނިންމާ ދަރިވަރުންގެ ތެރެއިން 5 މާއްދާއިން ދަށްވެގެން "ސީ" ފާސް ހޯދާ ދަރިވަރުންގެ ނިޞްބަތް 60 އިންސައްތައަށް ވުރެ މަތިކުރުން. • ސްކޫލުގެ އަޙުލާޤީ މިންގަޑަށް މުވައްޒަފުންނާއި ދަރިވަރުން ފުރިހަމަ އަށް ކިޔަމަންވެ ބޯލެބުން. • މި ސްކޫލުގެ ދަރިވަރުން ތަޢުލީމީ ގޮތުން ރަނގަޅު ނަތީޖާ ހޯދާ ނަޒާހަތްތެރި ވުން. • ޒަމާނީ ޓެކްނޮލޮޖީގެ އެހީގައި އުނގަންނައިދޭ މާހައުލެއް ސްކޫލުގައި ޤާއިމްކުރުމާއި، އުނގެނުމުގެ މާހައުލުގައި ދަރިވަރުންނާއި މުވައްޒަފުން ޒަމާނީ ޓެކްނޮލޮޖީ ބޭނުން ކުރުން • ތިމާގެ ޢާޢިލާއަށާއި ރަށަށާއި ޤައުމަށް ބޭނުންތެރުކުދިންތަކަކަށްވުން.