ސްކޫލް ތަޢާރަފު

އުލިގަމު ސްކޫލަކީ 1980 ގެ އަހަރުތަކުގައި ""މަކްތަބުލް އަޙްރާރު"" ގެ ނަމުގައި އުފެދުނު ތަޢުލީމީ މަރުކަޒެކެވެ. މި މަރުކަޒުގެ ނަން ވަނީ ތަފާތު މަރުޙަލާތަކުގައި ބަދަލުވެފައެވެ. އެގޮތުން، 1980 ގައި ""އުލިގަމު މަކްތަބު"" އަށް ބަދަލުވެ، 1999 ގައި ""އުލިގަމު މަދަރުސާ"" އަށް ބަދަލުވިއެވެ. 2003 ގައި މިހާރުގެ ނަމަށް ކަމުގައިވާ ""އުލިގަމު ސްކޫލް"" އަށް ބަދަލުވެ، 2005 ގައި މިނިސްޓްރީ އޮފް އެޑިޔުކޭޝަންގެ ދަށުގެ ސަރުކާރުގެ މުއައްސަސާއަކަށް ވެގެން ދިޔައެވެ. މިހާރު މި ސްކޫލުގައި ޕްރީސްކޫލުން ފެށިގެން ގްރޭޑް 10 އާ ހަމައަށް ތަޢުލީމު ފޯރުކޮށްދެއެވެ. އުލިގަމު ސްކޫލުގެ ދަރިވަރުން ވަނީ ސެކަންޑަރީ ސްކޫލް އިމްތިޙާނުތަކުގައި ޤައުމީ ފެންވަރުގައި އެންމެ މަތީ 10 ވަނައިގެ ތެރޭގައި ހިމެނި، އެ ދަރިވަރުންގެ ފާހަގަކޮށްލެވޭ ކާމިޔާބީތަކަށްޓަކައި ސްކޫލް ޕްރޮގްރެސް އެވޯޑާއި ސްކޫލް އެޗީވްމަންޓް އެވޯޑް ހާސިލުކޮށްފައެވެ. އަދި 2021 ވަނަ އަހަރުގެ އެސް.އެސް.ސީ އަދި އޯ/ލެވެލް އައި.ޖީ.ސީ.އެސް.އީ އިމްތިޙާނުތަކުގައި ބައިވެރިވި އެންމެހައި ދަރިވަރުން ވަނީ 100 އިންސައްތަ ފާސްވެ، އިތުރު ކާމިޔާބީއެއް ހޯދާފައެވެ.