ސްކޫލް ތަޢާރަފު

ޅައިމަގު ސްކޫލް - ޕްރޮފައިލް 1. ތަޢާރަފް ޅައިމަގު ސްކޫލަކީ މީގެ 43 އަހަރު ކުރިން ރަޖިސްޓްރީ ކުރެވިފައިވާ ސްކޫލެއް ނަމަވެސް މީގެ 60 ވަރަކަށް އަހަރުކުރިން ކިޔަވައިދިނުމުގެ މަސައްކަތް ފެށިފައިވާ ރައްޔިތުންގެ ސްކޫލެކެވެ. އެދުވަސްވަރު ކިޔަވައިދެވުނީ ޅައިމަގު މަކުތަބުގެ ނަމުގައެވެ. މިނަމުގައި ރަޖިސްޓްރީ ކުރެވުނީ 12 ޖޫން 1980 ވަނަ އަހަރުގައެވެ. އެއައްފަހު ""ޅައިމަގު ސްކޫލް"" މިނަމަށް ބަދަލުވެ އަލުން ރަޖިސްޓްރީ ކުރެވުނީ 6 ފެބުރުއަރީ 1997މ.، 28 ރަމަޟާން 1417ހ، ގައެވެ. މިސްކޫލް ދުނިޔެއަށް އުފަންވުމުގެ ކުރިންވެސް ޅައިމަގުގައި ތަފާތު ނަންނަމުގައި ދަރިވަރުންނަށް ތަޢުލީމް ދެމުން ގެންދެވިއެވެ. ޅައިމަގަކީ 1968 ވަނަ އަހަރުގެ ކުރިން މިލަދުންމަޑުލު އުތުރުބުރީގެ ވެރިރަށެވެ. އެހެންކަމަށް ވުމާއިއެކު މިރަށުގައި އަތޮޅު މަދަރުސާގެ ނަމުގައި އަތޮޅުގެ ދަރިންނަށް ތަޢުލީމްދޭ ރަށަށްވިއެވެ. އަދި އަތޮޅު މަދަރުސާ ބަންދު ވުމާއިއެކު ""ރޯޝަނީ މަކްތަބު"" ގެ ނަމުގައި މަދަރުސާއެއް ހިންގަމުން ގެންދެވިއެވެ. އަދި ދުވަސްވީ މީހުންގެ ފަރާތުން މަޢުލޫމާތު ލިބޭގޮތުގައި ކޮންމެވެސް ނަމެއްގައި ރައްޔިތުންގެ ފަރާތުން ހިންގަވާ މަދަރުސާއެއް ނެތް ދުވަސްވަރެއް ޅައިމަގުގެ ހަޔާތުން އައިކަމަކަށް ނުވެއެވެ. 6 ފެބުރުއަރީ 1997މ.، 28 ރަމަޟާން 1417ހ ސްކޫލްގެ ނަން ނިސްބަތްވާ ފަރާތް ށ. ޅައިމަގު (ރަށަށް)