ސްކޫލް ތަޢާރަފު

އުނގޫފާރު ސްކޫލް އަކީ އުނގޫފާރު ގައި 1952 ހިސާބުން ފެށިގެން މަކްތަބުން ނާޞިރިއްޔާގެ ނަމުގައި ހިންގަމުން އައި މަކްތަބު، ދެވަނަ ބޮޑު ހަނގުރާމައިގެ ދުވަސްވަރު އުނގޫފާރުގައި ގުދަނެއްގެ ގޮތުގައި ބޭނުންކުރަމުންދިޔަ ކާޑުގޭގައި 1979 މާރޗް 10 ގައި ފެށިގެން ދިޔަ އުނގޫފާރު ޕްރައިމަރީ ސްކޫލެވެ. އޭގެ ފަހުން އެމެރިކާގެ އައި.ހެޕް ޖަމާއަތުން އަޅުއްވައިދެއްވި 3 ކުލާސްރޫމު ހިމެނޭ ޢިމަރާތަށް 1983 ޑިސެމްބަރ 18ގައި ކިޔެވުން ބަދަލުކޮށް އުނގޫފާރު ސްކޫލްގެ ނަމަށް ވަނީ ބަދަލުވެފައެވެ. 1983ގެ ފަހުން ސްކޫލްގެ ނަމަށް ބަދަލެއްނައިސް ސްކޫލްގައި އެކިފެންވަރަށް ކިޔަވައިދެމުން އައިސްފައިވެއެވެ. ފުރަތަމަ ފަހަރަށް ގްރޭޑް 7ގެ ފެންވަރަށް ކިޔަވައިދޭން ފެށިފައިވަނީ 1992 ގައެވެ. ޘާނަވީ ތައުލީމްގެ ފެށުމަށްޓަކައި ކުރެވުނު މަސައްކަތްތަކުން 2000 ވަނަ އަހަރު ޕްރީ އަށަކަށް ކިޔަވައިދޭން ފެށުނެވެ. ފުރަތަމަ ފަހަރަށް ރަސްމީ ސިފައެއްގައި ލައިބުރަރީ ކޯނަރ އެއް ގާއިމްވެފައިވަނީ 1999 ގައެވެ. އަދި ސައިންސް ލެބް ހެދި ލެބްގެ ޚިދްމަތް ދަރިވަރުންނަށް ލިބިފައިވަނީ 2004 ގެ ޖުލައި މަހުގެ ތެރޭގައެވެ. 2001 ގައި ޘާނަވީއަށް ކިޔަވައިދޭން ރަސްމީކޮށް ފެށިގެން ދިޔައެވެ. ފުރަތަމަ ފަހަރަށް އޯލެވެލް އިމްތިޙާން ހަނދާފައިވަނީ 2003 ވަނަ އަހަރުއެވެ. ބެލެނިވެރިންގެ ގޮތުގައި ކޮމްޕިއުޓަރ ލެބެއް ގާއިމުކުރެވި ޚިދްމަތް ދޭންފެށިފައިވަނީ 10 ޖެނުއަރީ 2004 ގައެވެ. މަތީ ޘާނަވީއަށް ކިޔަވައިދޭން ފެށިފައިވަނީ 2013 ވަނަ އަހަރުއެވެ. ތުއްތު ކުދީންނާއި ރައްޓެހި ކިޔަވައިދިނުގެ ވައްޓަފާޅިއަށް ކިޔަވައިދޭން ފެށިފައިވަނީ 2005 ގައެވެ. އެއަށްފު ސަރުކާރުގެ ފަރާތުން އުނގޫފާރު ސްކޫލުގެ އަހަރީ ދުވަހަކީ 24 ޖޫން 1981 ކަމުގައި ރަސްމީކޮށް ހަމަޖެއްސިއެވެ.