ސްކޫލް ތަޢާރަފު

"ތުޅާދޫ މަދަރުސާ""ގެ ނަމުގައި ތުޅާދޫގައި ފުރަތަމަ ކިޔަވައިދޭން ފެށުނީ 17 އޯގަސްޓް 1936 މ (29 ޖުމާދުއްލްއައްވަލު 1355ހ) ގައެވެ. މި މަދަރުސާ ""މަކްތަބުލް ހިދާޔާ"" ގެ ނަމުގައި 6 ފެބުރުއަރީ 1967 ގައި ރަޖިސްޓްރީ ކުރެވުނެވެ. އެއަށް ފަހު 1978 ފެބުރުއަރީ 16 ގައި މަކްތަބުލް ހިދާޔާގެ ނަން، ""ތުޅާދޫ ޕްރައިމަރީ ސްކޫލް"" ގެ ނަމަށް ބަދަލުކުރެވުނެވެ. ސާނަވީ ތަޢުލީމު ދޭން ފެށުމާއި ގުޅިގެން 1998 ނޮވެންބަރ 8 ގައި ސްކޫލުގެ ނަން ""ތުޅާދޫ ޕްރައިމަރީ ސްކޫލް"" ގެ ނަމުން ""ތުޅާދޫ ސްކޫލް"" ގެ ނަމަށް ބަދަލުކުރެވުނެވެ. އެގޮތުން މިއީ އުނގަންނައިދޭ މަރުކަޒެއްގެ ގޮތުގައި، ރާއްޖޭގައި ރަޖިސްޓްރީ ކޮށްގެން ހިންގޭ 3 ވަނަ ސްކޫލެވެ. މި ސްކޫލް ސަރުކާރު ސްކޫލަކަށް ބަދަލުވީ 2000 ފެބުރުއަރީ 1 ގައެވެ. މި ސްކޫލުގެ ބާނީ އަކީ ބ.ތުޅާދޫ ދޮންއިސްމާޢީލް ކަތީބެވެ. އައްވަލް އުސްތާޛަކީ ށ. ކަނޑިތީމު އިބްރާހީމް ޢަލީ (ދޮން އިބްރާހީމް ކަލޭފާނު) އެވެ. މި ސްކޫލަކީ ފައުންޑޭޝަން ސްޓޭޖް އިން ފެށިގެން ކީސްޓޭޖް 4 އަށް ކިޔަވައިވޭ ސްކޫލެކެވެ. މި ސްކޫލްގައި ކިޔަވައިދެނީ ބިޒްނަސް ސްޓްރީމް އަދި ސައިންސް ސްޓްރީމްގެ އިތުރުން ބީޓެކް ސްޓްރީމެވެ.