ދަރިވަރުން
292 +މުދައްރިސުން
36 +އިދާރީ މުވައްޒަފުން
މިމަރުކަޒުގެ ބިންގާ އަޅުއްވައިދެއްވީ ރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ އަލްއުސްތާޛް މައުމޫނު ޢަބްދުލްޤައްޔޫމް 11 ޑިސެމްބަރ 1981 ގައެވެ. ޖަޕާނު ސަރުކާރުގެ ހިލޭ އެހީގައި މޯލްޑިވްސް ޝިޕިންގ ލިމިޓެޑްގެ ފަރާތުން ޢިމާރާތްކޮށް މުޅިން ނިންމުމަށްފަހު ހުޅުއްވައިދެއްވީ އޭރުގެ މިނިސްޓަރ އޮފް އެގްރިކަލްޗަރ އޮނަރަބްލް އަލްފާޟިލް އަޙްމަދު ޙިލްމީ ދީދީ 1 އޯގަސްޓް 1982 ގައެވެ. މަރުކަޒު ހުޅުވައިގެން ކިޔަވައިދޭން ފެށުނުއިރު އޮންނަނީ ގްރޭޑް 1 ން 3 ށް އަދި ސްޕެޝަލް 1،2 އެވެ. ޖެހިގެން އައި 1983 ވަނަ އަހަރު ގްރޭޑް 4 އުފެދި އަދި 1984 ވަނަ އަހަރު ގްރޭޑް 5 އާ ހަމައަށް ފުރަތަމަ ފަހަރު ކިޔަވައިދޭން ފެށުނެވެ. އޭރު މަރުކަޒުގައި އުޅޭ ކުދިންގެ ޢަދަދަކީ 77 އެވެ. ޕްރައިމަރީ ތަޢުލީމްގެ އިތުރުން މިޑްލް ސްކޫލް ތަޢުލީމްދޭން ފެށުނީ 1987 ން ފެށިގެންނެވެ. ސެކަންޑްރީ ތަޢުލީމްގެ ތެރެއަށް ވަނުމުގެ ދޮރު ހުޅުވިގެން ދިޔައި 1997 ވަނަ އަހަރު ލިބުނު ޕްރީ 8 ކްލާހުންނެވެ. އެއަށްފަހު އަހަހަކު ކްލާހެއް އިތުރުވަމުންގޮސް 2000 ވަނަ އަހަހރު އެންމެ ފުރަތަމަފަހަރަށް ގްރޭޑް 10 އާ ހަމައަށް ކިޔަވައިދޭން ފެށުނެވެ.
ހުރިހާ ދަރިވަރުންނަށްވެސް އަޅާލާ، ޝައުވެރި މާހައުލެއް ފޯރުކޮށްދިނުމާއެކު އެދަރިވަރެއްގެ ޤާބިލުކަންހުރި އެންމެ މަތީ މިންވަރަކަށް ތަޢުލީމު ހާސިލުކޮށް، ދިރިއުޅުމުގެ މައިދާނުގައި އަބަދުވެސް އުނގެނޭ މުސްލިމް ދިވެހި ފަރުދަކަށްވުން.
ހުރިހާ ދަރިވަރުން ޝާމިލުކުރުމާއި އެކު ހަމަހަމަ ފުރުޞަތު ލިއްބައިދޭ، ރައްކާތެރި، އުނގެނުމުގެ ފަހި މާޙައުލެއް ޤާއިމްކުރުމާއެކު މިމަރުކަޒު ނިންމާ ކޮންމެ ފަރުދަކީ ދީނީ، ޤައުމީ އަދި އިޖްތިމާޢީ ރިވެތި އުޞޫލުތައް އަށަގެންފައިވާ، ސިއްހީގޮތުން ދުޅަހެޔޮ، އުފެއްދުންތެރި ޢިލްމާއި ޙިލްމުގެ ގޮތުން ޤާބިލް ދިވެހި ފަރުދަކަށް ހެދުން.