ދަރިވަރުން
469 +މުދައްރިސުން
80 +އިދާރީ މުވައްޒަފުން
ތޮއްޑޫ ސުކޫލަކީ އަރިއަތޮޅު އުތުރުބުރީގައި އޮތް އެންމެ އާބާދި ބޮޑު ސުކޫލެވެ. ތޮއްޑޫ ސުކޫލަކީ ފައުންޑޭޝަން ސްޓޭޖުން ފެށިގެން އޭ ލެވެލްއާއި ހަމައަށް ކިޔަވައިދޭ ސުކޫލެކެވެ. ޖުމްލަ 433 ދަރިވަރުން ތޮއްޑޫ ސުކޫލުގައި މިވަގުތު ތަޢުލީމު ހާޞިލް ކުރަމުން ގެންދެއެވެ. ސުކޫލުގެ ޖާގައިގެ ދަތިކަމުން ފައުންޑޭޝަން ސްޓޭޖްގެ ދަރިވަރުންނަށް ކިޔަވައިދެނީ ތޮއްޑޫ ކައުންސިލާއެކު ހެދިފައިވާ އެއްބަސްވުމެއްގެ ދަށުން ތޮއްޑޫ ޕްރީ ސުކޫލުގައެވެ. ޖުމްލަ 72 މުވައްޒަފުން މިވަގުތު ތޮއްޑޫ ސުކޫލުގައި ވަޒީފާ އަދާކުރަމުން ގެންދެއެވެ.
މި ސްކޫލްގެ އަމާޒަކީ "ހުރިހާ ދަރިވަރުންނަކީވެސް މާތްވެގެންވާ އިސްލާމްދީނަށް ހުރުމަތްތެރިކޮށްހިތާ، ދިވެހި ޤައުމަށް ވަފާތެރި، ޢިލްމާއި ޙިލްމުގެ ގޮތުން ޤާބިލު ބަޔަކަށްހެދުން"
މި ސްކޫލްގެ ތަޞައްވުރުކީ: މިސްކޫލަކީ ފުރިހަމަ ގޮތެއްގައި އުނގެނުމާއި އުނގަންނައިދިނުމުގެ ކާމިޔާބު މާހައުލެއް އަބަދުވެސް ޤާއިމު ކުރެވިފައިވާ ތަނަކަށްހެދުމާއި، ސްކޫލު ނިންމާ ކޮންމެ ދަރިވަރަކީ މުޖުތަމަޢުއަށް ފައިދާކުރަނިވި، ރަނގަޅު ރައްޔިތަކަށް ހެދުމަށް ހުރިހާ ރޮނގަކުންވެސް މަސައްކަތްކުރުމާއި، ޖިންސުގެ ތަފާތުކުރުމެއްނެތި ތަޢުލީމީ އަދި އިތުރު ޙަރަކާތަކުގައި ކޮންމެ ދަރިވަރަކަށްވެސް ހަމަހަމަ ފުރުޞަތުތަކެއް ލިއްބައިދިނުމާއި، ދަރިވަރުންނާއި މުދައްރިސުންނާއި ހިންގުންތެރިންނަކީ އެއްބައިވަންތަ އެއް އަމާޒަކަށް ވާޞިލުވުމަށް މަސައްކަތްކުރާ ބަޔަކަށް ހެދުމެވެ.