ސްކޫލް ތަޢާރަފު

ބޮޑުފޮޅުދޫ ސްކޫލަކީ މިނިސްޓްރީ އޮފް އެޑިޝަންގެ ދަށުން ތަޢުލީމް ފޯރުކޮށްދެމުން ގެންދާ ސަރުކާރުގެ ގެ މުއައްސަސާއެކެވެ.ބޮޑުފޮޅުދޫ ސްކޫލްގައި ކިޔަވައި ދެމުން ގެންދަނީ ގުރޭޑް 1 ން ގުރޭޑް 10 އަށެވެ. ބޮޑުފޮޅުދޫ ސްކޫލްގެ ތަޢުލީމް ފެށިގެން އައިސްފައިވަނީ 1978 ގައި ސަރުކާރުން ނެގި ހާއްޞަ ހުއްދައެއްގެ ދަށުން މަކްތަބުލް އިރުސާދުގެ ނަމުގައެވެ. މި މަކްތަބުގައި ކިޔަވައިދެވިފައިވަނީ ދުރޫސުލް އަޙްލާގް ،ތަޢުލީމްދިޔާނާ ، އަދި ތަސްޖީދުލް އަޒްހާރުއެވެ މިނިސްޓްރީ އޮފް އެޑިޔުކޭޝަންގައި ބޮޑުފޮޅުދޫ މަދަރުސާ ނަމުން މި ސްކޫލް ތަޢުލީމު އުގަންނައިދޭ ތަނެއްގެ ގޮތުގައި ރެޖިސްޓްރީ ކޮށްފައިވަނީ 8 ޖޫން 1980 ގައެވެ. މިހާރު ކިޔަވައިދެމުން މިގެންދާ ސްކޫލް ހޯލް އިމާރާތް 1990 ވަނަ އަހަރު ބިންގާ އަޅުއްވައިދެއްވައި 16 ޖުލައި 1990 ގައި ސްކޫލް ހުޅުވި ކިޔަވައިދެވެން ފެށުނެވެވެ .އަދި 2017 ގައި 6 ކުލާސް ރޫމްގެ 2 ބުރި އިމާރާތް ލިބި ކިޔަވައިދޭން ފެށިފައިވެއެވެ. 1984 ން 1992 އާ ދެމެދު ގުރޭޑް 1ން 5 ށް ސްކޫލްގައި ކިޔަވައިދެވި އަދި 1993 ގައި ގުރޭޑް 6،7 އުފެދިގެން ދިޔައެވެ.2006 ވަނަ އަހަރު ސާނަވީ ތަޢުލީމް ދެވެންފަށައި ކޮމާސްޓްރީމްގެ މާއްދާތަކުގެ އިތުރުން ހިސާބު،އިނގިރޭސި،ދިވެހި،އިސްލާމް މާއްދާ ކިޔަވައިދެވެނުނެވެ. 2008 ޖީ.ސީ.އޯލެވެލް އިމްތިހާނު ގައި ބައިވެރިވެ އިމްތިޙާން ހެދިފައިވެއެވެ. 2016 ގައި ކޮމާސް ސްޓްރީމް ގެ ބަދަލުގައި ކޮންބައި ސްޓްރީމްއަށް ކިޔަވައިދޭން ފެށިފައިވެއެވެ. ސްކޫލްގައި އެންމެ ފުރަތަމަ ބޭނުން ކުރަމުން އައިސްފައިވަނީ ފިރިހެންކުދިންނަށް އެޑިޑާސް ސޯޓާއި ހުދު ގަމީސް އަދި އަންހެން ކުދިންނަށް އަތްކުރު ހެނދުންބުރިއާއި ފެހިކުލައިގެ ކަނޑިކިއެވެ. 1997 ން ފެށިގެން ޔުނީފޯމް ކޯޑަށް ބަދަލު އައިސް ގުރޭޑް 4 ން މަތީގެ ފިރިހެން ކުދިންނަށް ހުދު ގަމީހަކާއި ކަޅުފަޓުލޫނު އަދި 4 ން ދަށުގެ ކުދިންނަށް ހުދު ގަމީހަކާއި ކަޅުކުލައިގެ ކުރު ސޯޓް އަދި އަންހެންކުދިންގެ ޔުނީފޯމްގެ ގޮތުގައި ތިރިއަށް ރޫޖެއްސި ހުދު ޔުނީފޯމް ހަމަޖެހިގެންދިޔައެވެ. 2008 ގައި ޕްރިފެޓް ދަރިވަރުން ބޭނުންކުރާ ޔުނީފޯމްގެ ގޮތުގައި ފިރިހެންކުދިންނަށް ހުދު ފަޓުލޫނު ހަމަޖެހުމާއި ސްކޫލްގެ ސެކަންޑް ޔުނީފޯމްގޮތުގައި ގުރޭޑް 4 ން މަތީގެ ފިރިހެން ދަރިވަރުން އޮރެންޖް ގިރުވާނުލީ ޓީސާޓަކާއި، ކަޅު ފަޓުލޫނެއް އަދި 4 ން ދަށުގެ ކުދިންނަށް ޓީސާޓާއެކު ކުރު ސޯޓެއް އަދި އަންހެންކުދިންނަށް ޓީސާޓާއިއެކު ޓްރެކްސޫޓްއެއް ހަމަޖެހިގެންދިޔައީވެސް މިއަހަރުގެތެރޭގައެވެ.