ސްކޫލް ތަޢާރަފު

އދ. އަތޮޅު މާމިގީލީގައި ހުންނަ ހަމައެކަނި ސަރުކާރު ސުކޫލް ކަމުގައިވާ އދ. އަތޮޅު މަދަރުސާއަކީ ފައުންޑޭޝަން އިން ފެށިގެން އޯލެވެލް އަށް ކިޔަވައިދެމުންދާ ސުކޫލެކެވެ. 27 ޖޫން 1970 ވަނަ އަހަރު މާމިގިލި ސުކޫލް ނަމުގައި ހުޅުވުނު މި ސުކޫލް އދ.އަތޮޅު މަދަރުސާގެ ނަމަށް ބަދަލުވެފައިވަނީ 26 ފެބުރުވަރީ 1991 ގައެވެ. ކުރިން ދިވެހި މީޑިއަމް އަށް ކިޔަވައި ދެމުން ދިޔަ މި ސުކޫލް އިގިރޭސި މީޑިއަމް އަށް ބަދަލުކޮށް ގްރޭޑް 8 އުފައްދައިފައިވަނީ 1997 ވަނައަހަރުއެވެ. އަދި މިއާއެކު ފުރަތަމަ ފަހަރަށް ޖީސީއީ އޯލެވެލް ހެދުމުގެ ފުރުސަތު މި މަދަރުސާގެ ދަރިވަރުންނަށް ލިބިފައިވަނީ 2000 ވަނަ އަހަރުއެވެ. އދ. އަތޮޅު މަދަރުސާގައި 2 ސްޓްރީމް އަށް ކިޔަވައިދޭން ފެށުނީ 2008 ވަނަ އަހަރުއެވެ.