ސްކޫލް ތަޢާރަފު

މި މަރުކަޒަކީ ހިޖުރީސަނަތުން 1 ޖުމާދިލް ޢޫލާ 1403 ގައި ،އޭރުގެ މިއަތޮޅުގެ އަތޮޅުވެރިޔާ އަލްފާޟިލް އުގުލުމޫސާ ކަލޭފާނާއި ، އެއިރުގެ ތަޢްލީމު ކުރިއަރުވާ މަރުކަޒުގެ އެކްޓިން ޑިރެކްޓަރ އަލްފާޟިލް މުޙައްމަދު ލަތީފް ބިންގާއަޅުއްވައި ދެއްވައި ، މީލާދީ ސަނަތުން 22 މާރޗް 1984 ގައި، އެއިރުގެ މިނިސްޓްރީއޮފް އެޓޯލްސް ޑިވަލޮޕްމަންޓް އަލްއުސްތާޛު ޢަބުދުﷲ ޙަމީދު ވުޖޫދުކޮށްދެއްވެވި ހިނދުއްސުރެން ފެށިގެން މިއަދާހަމައަށްވެސް ތަފާތު މަރުޙަލާތަކުގައި ޙަރަކާތްތެރިވެފައިވާ މަރުކަޒެއެކެވެ. . މިމަރުކަޒު ހުޅުވުނު އިރު ތިބީ 130 ދަރިވަރުންނާއި 4 މުދައްރިސުންނާއި 1 އެސިސްޓެންޓް ހެޑްމާސްޓަރގެ އިތުރުން 3 އިދާރީ މުވައްޒަފުންނެވެ. ގްރޭޑް 4 އާ ހަމައަށް އޭރު ކިޔައިދޭންފެށި މި މަރުކަޒުގައި 2023 ވަނަ އަހަރު ނިމުނުއިރު ޖުމްލަ 1735 ދަރިވަރުން މިމަރުކަޒުން ތަޢުލީމު ޙާޟިލްކޮށްފައިވެއެވެ.