ސްކޫލް ތަޢާރަފު

ރިނބުދޫ ސްކޫލަކީ މިނިސްޓްރީ އޮފް އެޑިއުކޭޝަންގެ ދަށުން ހިނގަމުންދާ ސަރުކާރުގެ ސްކޫލެކެވެ. މިސްކޫލްގެ މައިގަނޑު މަސައްކަތަކީ، ދިވެހި ސަރުކާރުގެ ތަޢުލީމީ ސިޔާސަތާއި އެއްގޮތަށް، ޤައުމީ މަންހަޖު ތަންފީޒުކޮށް ދަރިވަރުންނަށް ތަރުބިއްޔަތު ދިނުމާއި، ޤައުމީ މަންހަޖުގެ މަޤްސަދުތައް ޙާސިލްކުރުމަށްޓަކައި ކިޔަވައިދިނުމުގެ އިތުރަށް ހިންގަން ބޭނުންވާ ޙަރަކާތްތައް ހިންގުމާއި އަދި ވީ އެންމެ ފުޅާ ދާއިރާއެއްގައި ބެލެނިވެރިންނާއި ރައްޔިތުންނާއި ގުޅިގެން މަސައްކަތް ކުރުމެވެ. ފައުންޑޭޝަން ސްޓޭޖުން ފެށިގެން، ގްރޭޑް 10 ށް ކޮންމެ ގްރޭޑް އަކުން 1 ކުލާސް އޮތް މިސްކޫލަކީ ރަސްމީ އުނގެނުމުގެ ނިޒާމުގެ ތެރެއިން ދަރިވަރުންނަށް އުފެއްދުންތެރިކަމާއިއެކު އުނގެނި، ދަސްކުރުމާއި، ހޯދާބަލައި، ތަޖުރިބާކުރުމާއި، ދިރާސާ ކުރުމަށް މަގުފަހި ކޮށްދިނުމުގެގޮތުން ދަރިވަރުން 21 ވަނަ ގަރުނަށް ތައްޔާރުކުރުމަށް، ތަޢުލީމީ ފަހި ފުރުޞަތުތައް ހޯދައިދެމުން އަންނަ ސްކޫލެކެވެ. މި ސްކޫލުގައި ކިޔަވައި ދެނީ ކޮމްބައިން ސްޓްރީމަށެވެ. ހަމަ އެހެންމެ، ވޮކޭޝަނަލް އެޑިޔުކޭޝަންގެ ދަށުން، ބީޓެކް ސްޓްރީމް ބައެއް ދަރިވަރުން ތަޢުލީމު ޙާޞިލް ކުރަމުންދެއެވެ. 2024 ވަނަ އަހަރު ފައުންޑޭޝަން ލެވެލްއިން ފެށިގެން ގްރޭޑް 10 އަށް ޖުމުލަ 69 ދަރިވަރުން މިސްކޫލްގައި ތަޢުލީމު ޙާޞިލްކުރާނެއެވެ. މަތީ ޘާނަވީގެ ކިޔެވުން މި ސްކޫލްގައި ކުރިއަށް ނުގެންދެއެވެ. މި ސްކޫލްގައި ކިޔަވައިދެމުން ގެންދަނީ 1 ދަންފަޅިއަށެވެ. މި ދަންފަޅީގެ ކިޔެވުން ކުރިއަށްދަނީ ހެނދުނު 07:05 ން މެންދުރު 12:05 އަށެވެ. މިސްކޫލްގައި ޓީޗަރުންނާއި އިދާރީ މުވައްޒަފުން ހިމެނޭހެން ޖުމްލަ 33 މުވައްޒަފުން މަސައްކަތްކުރެއެވެ.