ސްކޫލް ތަޢާރަފު

ދ. މާއެނބޫދޫ އަކީ ގިނަ ޒަމާންތަކެއްވަންދެން ތައުލީމު ފޯރުކޮށް ދެމުން ދިޔަ ރައްޔިތަކު ދިރިއުޅެމުން ދިޔަ ރަށެކެވެ. އެކި އެކި ނަމުގައި ތައުލީމު ފޯރުކޮށްދެވިފައިވާކަން މި ފުރުސަތުގައި ފާހަގަ ކުރަމެވެ. މާއެނބޫދޫ ސުކޫލުގެ ނަމުގައި ތައުލީމްދޭން ފެށިފައިވަނީ 23 އޮކްޓޯބަރ 1980 ވަނަ އަހަރުގައެވެ. މާއެނބޫދޫ ސްކޫލުގެ ކިޔެވުން ފެށުނުއިރު ތިބީ 2 ޓީޗަރުންނެވެ. ސްކޫލު ހިންގަވަމުން ގެންދެވީ ރައްޔިތުންގެ ސްކޫލެއްގެ ގޮތުގައި ރަށުގެ ވެރީންނެވެ. ކިޔަވައިދޭން ފެށުނުއިރު އޮތީ ގްރޭޑް 1 ން 5 އަކާއި ހަމައަށް ކިޔަވައިދޭ 5 ކުލާހާއި. އަދި ޚާއްޞަކުލާހެކެވެ. މިހާރު މި ސްކޫލަކީ ފައުންޑޭޝަނުން ފެށިގެންގެ ގްރޭޑް 10 އަށް ކިޔަވައިދޭ ސްކޫލެކެވެ. ސްކޫލުގައި ގައުމީ މަންހަޖުގައި ބަޔާންކޮށްފައިވާ ހުރިހާ މާއްދާތަކެއް ކިޔަވައިދޭކަން ފާހަގަކުރަމެވެ. އަދި ކީސްޓޭޖް 4 ގެ ދަރިވަރުން ކިޔަވަމުންދަނީ ކޮންބައިން ސްޓްރީމް ( ބައިލޮޖީ، ކެމިސްޓްރީ، އިކޮނެމިކްސް އަދި އެކައުންޓިންގ ) އަދި ބީޓެކް ހޮސްޕިޓަރލިޓީ ވެސް ސްޓްރީމްގެ ގޮތުގައި ކިޔަވައިދޭކަން ފާހަގަ ކުރަމެވެ. މި ސްކޫލަކީ މިހާރު އެއްދަންފަޅިއަށް ކިޔަވައިދޭ ސްކޫލެއްކަންވެސް ފާހަގަ ކުރަމެވެ.