ސްކޫލް ތަޢާރަފު

ތ. މަޑިފުށީ ސްކޫލަކީ ހަރުދަނާ ޒިންމާދާރު މުވާޠިނުންތަކެއް ބިނާކުރުމަށާއި، އިސްލާމީ އަޤީދާއާއި އުޞޫލްތަކުގެ މަތިން ތަޢުލީމު ކުރިއެރުވުމަށާއި، އިތުރު ޚަރަކާތްތަކުގެ ރޮނގުން ފަޚުރުވެރިވެވޭފަދަ މުޖުތަމައެއް ބިނާކުރުމާއި އަދި ޢިލްމީގޮތުން ހުނަވެރި ދަރިތަކެއް އުފެއްދުމަށް ހިންގޭ ސަރުކާރު ސްކޫލެކެވެ. މަޑިފުށީ މަކްތަބުގެ ނަމުގައި މި ސްކޫލު ހުޅުވުނީ 25 ޖޫން 1980 ގައެވެ. އޭގެ ފަހުން މި މަދަރުސާގެ ނަން މަޑިފުށީ މަދަރުސާއަށް 3 ޖުލައި 1986 ގައި ބަދަލުކުރެވިފައި ވެއެވެ. އަދި މިހާރު މި މަދަރުސާގެ ނަމަކީ މަޑިފުށީ ސްކޫލެވެ. 2024 ވަނަ އަހަރު މި ސްކޫލުގައި އެލްކޭޖީ އިން ގްރޭޑް 10 އާއި ދެމެދުގެ ކުލާސްތަކުގައި 228 ދަރިވަރުން ތަޢުލީމު ޙާޞިލްކުރަމުން ދެއެވެ.