ސްކޫލް ތަޢާރަފު

އަލްފަޤީޙުލް ޙާފިޡު މުޙައްމަދު ޖަމާލުއްދީނުލް މަޙްލީ ނުވަތަ ވާދޫ ދަންނަކަލޭގެފާނަށް ނިސްބަތްވާ މި ސްކޫލަކީ ރާއްޖޭގެ އެންމެ ދުވަސްވީ ސްކޫލުތަކުގެ ތެރޭގަިއ ހިމެނޭ ސްކޫލެކެވެ. މި ސްކޫލުގެ ފެންނަން އޮތް ތާރީޚަކީ 02 ޖުލައި 1967 ކަމުގައިވީނަމަވެސް، ދިވެހި ތާރީޚުގެ ފަތްފުށްތަކަށް ބަލާލާއިރު ހިޖުރައިން 981 (1573މ.) ވަނަ އަހަރު ވާދޫ ދަންނަކަލޭގެފާނު ގދ. ވާދޫ އަށް ވަޑައިގެން އޭރުގެ ހުކުރު މިސްކިތުގެ ދާލައިގައި ކިޔަވައި ދެއްވަން ފެއްޓެވި ތަޢުލީމުގެ އޮއިވަރު މިއަދާ ހަމައަށް މެދުކެނޑިގެން ގޮސްފައިނުވާކަމަށް ތާރީޚު ހެކިދެއެވެ. މި ތަޢުލީމީ ގުލްޒާރުގެ ނަން އެކި ދައުރުގައި އެކި ނަން ނަމުން ފާހަގަވަމުން އައިސް 2016 ވަނަ އަހަރުގެ މާރޗް މަހުގެ 8 ވަނަ ދުވަހު މިނިސްޓްރީ އޮފް އެޑިއުކޭޝަނުން ""ޖަމާލުއްދީން މަދަރުސާ"" ގެ ނަން ވަނީ ""ވާދޫ ޖަމާލުއްދީން ސްކޫލް"" އަށް ބަދަލުކުރައްވާފައެވެ.