ސްކޫލް ތަޢާރަފު

ދިވެހިރާއްޖޭގެ ދެކުނުން، ފުވައްމުލައް ސިޓީގައި ސަރުކާރުން ހިންގާ ޕަބްލިކް ސްކޫލެއް ކަމުގައިވާ، ހާފިޒް އަޙްމަދު ސްކޫލް ހުޅުވުނީ 22 އޭޕްރީލް 2004 ގައި، ގްރޭޑް 1 ފެށިގެން 7 ގެ ނިޔަލަށް ޕްރައިމަރީ ސްކޫލެއްގެ ގޮތުގައެވެ. މި ސުކޫލުގެ ނަން ނިސްބަތްވެގެންވަނީ، މަޝްހޫރު އިލްމުވެރިއެއްކަމަށްވާ ފުވައްމުލަކު، ދޫނޑިގަމް އެދުރުކަލޭގެފާނު، އާދެ، އަލްހާފިޒު އަހުމަދުގެ ނަމަށެވެ. 2015 ވަނަ އަހަރު ހާފިޒު އަހުމަދު ސްކޫލުގައި ފައުންޑޭޝަން ސްޓޭޖްގައި ކިޔަވައިދޭން ފެށުނެވެ. އަދި 2019 ވަނަ އަހަރު މި ސްކޫލް ސެކަންޑަރީ ސުކޫލަކަށް ބަދަލުވެގެންދިޔައެވެ. 500 އަށް ވުރެ ގިނަ ދަރިވަރުންނާއި 70 އަށް ވުރެ ގިނަ މުދައްރިސުންނާއެކު، މިއަދު މި ސްކޫލަކީ ފައުންޑޭޝަނުން ފެށިގެން ކީސްޓޭޖް 4 ށް، ކިޔަވައިދޭ، ރާއްޖޭގެ ނިސްބަތުން ފެންވަރު ރަނގަޅު ސުކޫލެކެވެ.