ސްކޫލް ތަޢާރަފު

ޝަރަފުއްދީން ސްކޫލަކީ މުހިއްބުއްދީން ސްކޫލާއި ސ. އަތޮޅު ތަޢުލީމީ މަރުކަޒު އެއްކުރެވިގެން 1 ޖަނަވަރީ 2012 ގައި އުފެއްދުނު ސްކޫލެކެވެ. 17 ފެބްރުއަރީ 1992 ވަނަ އަހަރު ހުޅުވުނު ސަދަން ސެކަންޑަރީ ސްކޫލްގެ ނަން މުހިއްބުއްދީން ސްކޫލްގެ ނަމަށް ބަދަލުކުރެވުނީ 1 ޖަނަވަރީ 2001 ގައެވެ. ސ. އަތޮޅު ތައުލީމީ މަރުކަޒު ހުޅުވުނީ 21 ޖަނަވަރީ 1981ގައެވެ. ފައުންޑޭޝަން ސްޓޭޖް އިން ފެށިގެން ގްރޭޑް 10 އާއި ހަމައަށް މިސްކޫލްގައި ކިޔަވައިދެވެއެވެ. އަދި މީގެ އިތުރުން ޚާއްސަ އެހީއަށް ބޭނުންވާ ދަރިވަރުންނަށް އިންކްލޫސިވް އެޑިއުކޭޝަން ޕޮލިސީގެ ދަށުން މެއިންސްޓްރީމްކޮށް ކިޔަވައިދެވެއެވެ. އަދި މެއިންސްޓްރީމް ކުލާސްތަކުގައި އެއްގޮތަކަށްވެސް ނުގެންގުޅެވޭ ދަރިވަރުންނަށްވެސް މިސްކޫލުގައި ކިޔަވައިދެވެއެވެ. އެއާއެކު މި ސްކޫލްގެ ކީސްޓޭޖް 3 އަދި 4 ގައި ބީޓެކް ލެވެލް 2 އަދި ސައިންސް ސްޓްރީމާއި ބިޒްނަސް ސްޓްރީމް އަށް ކިޔަވައިދެވެއެވެ.