އދ.ދަނގެތީ ސްކޫލުގައި ލީޑިންގ ޓީޗަރުންނަށް އަމާޒުކޮށްގެން، އެފެކްޓިވް ސުޕަވިޝަން އަދި ސަބްޖެކްޓް އިމްޕްރޫވްމަންޓް ޕްލޭނާ ބެހޭ ދެ ދުވަހުގެ ކާމިޔާބު ވޯކްޝޮޕެއް ބާއްވާފިއެވެ. ނެޝަނަލް އިންސްޓިޓިއުޓް އޮފް އެޑިޔުކޭޝަނާ ގުޅިގެން ޑރ. ބަލަސަންދްރަން އޭ. ރަމަޔިޔާ ފެސިލިޓޭޓްކުރެއްވި މި ވޯކްޝޮޕް ބޭއްވުނީ ޖަނަވަރީ 18 އަދި 19 ވަނަ ދުވަހުއެވެ.
މި ވޯކްޝޮޕްގައި އެކި ސްކޫލުތަކުގެ ޕްރިންސިޕަލުންނާއި ލީޑިންގ ޓީޗަރުން ހިމެނޭ ގޮތަށް ޖުމްލަ 42 ބައިވެރިން ބައިވެރިވިއެވެ. މި ވޯކްޝޮޕް އިފްތިތާޙުކޮށްދެއްވީ މިނިސްޓްރީ އޮފް އެޑިޔުކޭޝަންގެ ޕަރމަނަންޓް ސެކްރެޓަރީ އަލްފާޟިލް ޝިފާޒް މުޙައްމަދެވެ.
ސްޓްރެޓެޖިކް ޕްލޭނިންގ، ޕްރޮފެޝަނަލް ޑިވެލޮޕްމަންޓް އަދި ސުޕަވިޝަންގެ މައްޗަށް ބިނާކޮށް ކުރިއަށް ގެންދެވުނު މިސެޝަނަކީ ސްކޫލަތައް ހިންގުމުގެ ނިޒާމު ކުރިއެރުވުމަށް މުހިންމު ސެޝަނެއްކަމަށް ވޯކްޝޮޕްގެ ބައިވެރިވި ފަރާތަކުން ފާހަގަކުރެއްވިއެވެ. މި ސެޝަނުގެ ސަބަބުން، ވިޝަން، މިޝަން އަދި މައިގަނޑު އަސާސްތައް އެކުލަވާލުމުގެ މުހިންމުކަން ހާމަވެފައިވާކަމަށެވެ. މި ސެޝަނުން ލިބުނު މަޢުލޫމާތާއި ހުނަރުތަކުގެ އަލީގައި، ސްކޫލްތަކުގެ ދުރު ރާސްތާގެ ޕްލޭންތައް އެކުލަވާލުމާއި، ސުޕަވިޝަންގެ ނިޒާމު އިތުރަށް ހަރުދަނާކުރުމަށް މަގުފަހިވެގެންދާނެކަމަށް ބައިވެރިން ފާހަގަ ކުރެއްވިއެވެ.
މި ވޯކްޝޮޕްގެ ނިންމުމުގެ ރަސްމިއްޔާތު ޝަރަފުވެރިކޮށްދެއްވީ ދަނގެތީ ކައުންސިލްގެ ނައިބު ރައީސެވެ.