ފ އަދި ދ އަތޮޅުގެ ސްކޫލުތަކުގެ އިސްވެރީންނަށް ލީޑަރޝިޕް ވޯކްޝޮޕެއް!

26 ޖެނުއަރީ 2025

ފ އަދި ދ އަތޮޅުގެ ސްކޫލުތަކުގެ އިސްވެރީންނަށް ލީޑަރޝިޕް އެންހޭންސްމެންޓް ވޯކްޝޮޕެއް ކުރިއަށްގެންގޮސްފިއެވެ.

ދެދުވަހުގެ މުއްދަތަށް ދ. އަތޮޅު ކައުންސިލް ސެމިނަރ ރޫމްގައި ކުރިއަށްގެންދިޔަ މި ވޯކްޝޮޕްގައި ފ. އަތޮޅާއި ދ. އަތޮޅުގެ 11 ސްކޫލަކުން ޕްރިންސިޕަލުންނާއި ލީޑިންގ ޓިޗަރުން ހިމެނޭހެން ޖުމްލަ 32 ބޭފުޅުން ބައިވެރިވެވަޑައިގެންނެވިއެވެ.

މި ވޯކްޝޮޕްގެ ސެޝަންތައް ނަންގަވައިދެއްވަނީ މެލޭޝިއާގެ އަމީނުއްދީން ބަކީ އިންސްޓިޓިއުޓްގެ ސީނިއާ ލެކްޗަރާ  ޑރ. ބަލަސަންދްރަން އެވެ. މި ވޯކްޝޮޕްގެ މައިގަނޑު މަޤްޞަދަކީ ސްކޫލުތައް ހިންގުމުގައި ބޭނުންކުރާ ޒަމާނީ އާ ގޮތްތަކާއި، އާ އީޖާދުތަކާ ގުޅޭ މަޢުލޫމާތު ޕްރިންސިޕަލުންނަށް ހިއްސާކޮށް، އެކަންކަމަށް އަހުލުވެރިކުރުވުމެވެ. މީގެ އިތުރުން، ސްކޫލް އިމްޕްރޫވްމަންޓް ޕްލޭން އެކުލަވާލުމުގައި ޑޭޓާ ބޭނުންކުރުމާއި، މި ވޯކްޝޮޕްގެ ސަބަބުން ބައިވެރިންގެ މެދުގައި ރަނގަޅު ނެޓްވޯކެއް އުފެދި، ކުރިމަގުގައި އެއްބަޔަކު އަނެއްބަޔަކަށް އެހީތެރިވެ، މަޢުލޫމާތު ޙިއްޞާކުރުމަށް މަގުފަހިވެގެންދާނެއެވެ.

 މި ސިލްސިލާގެ ވޯކްޝޮޕްތައް މިހާތަނަށް ވަނީ ގދ، ގއ، ކ، މާލެ ސިޓީ، އައްޑޫ ސިޓީ، ފުވައްމުލަކު ސިޓީ، ގެ އިތުރުން އއ، ވ، މ، އަދި ރ އަތޮޅުގައި ވެސް ކުރިއަށް ގެންގޮސްފައެވެ.