މިނިސްޓްރީ އޮފް އެޑިޔުކޭޝަނާއި ޔުނިސެފް އަދި ޔުނެސްކޯ ގުޅިގެން ތަޢުލީމީ ދާއިރާގެ ޕްލޭނުގައި ޞިއްޙަތާއި ދުޅަހެޔޮކަން ހިމެނުމާ ގުޅޭ 3 ދުވަހުގެ ވޯކްޝޮޕެއް މިއަދު ފެށިއްޖެއެވެ. މި ވޯކްޝޮޕް ޝަރަފުވެރިކޮށްދެއްވީ ސްޓޭޓް މިނިސްޓަރ ޑރ.އަހްމަދު މުހައްމަދެވެ.
 
މި ވޯކްޝޮޕްގައި ބައެއް ސްކޫލްތަކުގެ ޕްރިންސިޕަލުންނާއި، މިނިސްޓްރީ އޮފް ހެލްތު، ޑަބްލިއު.އެޗް.އޯ، މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް، މޯލްޑިވްސް ޕޮލިސް ސަރވިސް އަދި އެކި އެން.ޖީ.އޯ ތަކުން ޖުމްލަ 56 ބައިވެރިން ބައިވެރިވެވަޑައިގެންނެވިއެވެ. މި ބައްދަލުވުން ފެސިލިޓޭޓް ކުރެއްވީ ޔުނިސެފްގެ ދިވެހިރާއްޖެއަށް ކަނޑައަޅުއްވާފައިވާ ރެޕްރެޒެންޓޭޓިވް ޑރ. އެޑްވާޑް އަޑާއި އެވެ. 
 
 މި ވޯކްޝޮޕްގެ މައިގަނޑު މަޤްޞަދަކީ ކުޑަކުދިންނާއި ޒުވާނުންގެ ޞިއްޙަތާއި ދުޅަހެޔޮކަމުގެ ޙާލަތު ދިރާސާކުރުމާއި، ސިޔާސަތުތަކާއި ތަޙްލީލުތަކާއި އެކުލަވާލުމާއި މުހިންމު ސްޓްރެޓެޖީތައް އެކުލަވާލުމުގެ މަސައްކަތް ކުރުމެވެ. މިކަމުގެ ސަބަބުން ތަޢުލީމީ ދާއިރާގެ ޕްލޭނުގައި ޞިއްޙަތާއި ދުޅަހެޔޮކަން ހިމެނުމަށް މަގުފަހިވެގެންދާނެއެވެ.